ఖైదీ నెం.150, సైరా నరసింహారెడ్డి సినిమాలతో బ్యాక్ టు బ్యాక్ హిట్స్ అందుకున్నాడు మెగాస్టార్ చిరంజీవి. అయితే కొరటాల శివ దర్శకత్వంలో తెరకెక్కిన ఆచార్యతో మాత్రం.. ఘోర పరాజయాన్ని అందున్నాడు. ఈ సినిమాతో మెగాస్టార్ ఇమేజ్‌కు భారీ డ్యామేజ్ జరిగిపోయింది. ఆ తర్వాత వచ్చిన గాడ్ ఫాదర్ కూడా మెగాస్టార్ ఇమేజ్‌కు సరిపోలేదు. హిట్ టాక్ వచ్చినప్పటికీ.. మళయాళ రీమేక్ సినిమా కావడంతో.. కనెక్ట్ కాలేకపోయారు. అందుకే వాల్తేరు వీరయ్య పైనే మెగాస్టార్‌తో పాటు.. ఫ్యాన్స్ కూడా భారీ ఆశలు పెట్టుకున్నారు. వారి ఆశలను ఆవిరి చేయకుండా.. ఒక మెగాభిమానిగా.. వాల్తేరు వీరయ్యను పర్ఫెక్ట్‌గా ప్రజెంట్ చేశాడు డైరెక్టర్ బాబీ. వింటేజ్ చిరుని చూపించి.. ఫ్యాన్స్‌కు పూనకాలు తెప్పించాడు. ఇక సంక్రాంతి కానుకగా జనవరి 13న వచ్చిన మల్టీ స్టారర్ బొమ్మ బ్లాక్ బస్టర్ అయింది. బ్లాక్ బస్టర్ కాదు.. మెగాస్టార్ కెరీర్లో బిగ్గెస్ట్ హిట్‌గా నిలిచింది. దాంతో మెగాస్టార్ ఫుల్ హ్యాపీ మూడ్‌లో ఉన్నారు. అందుకే తనకు ఇంత భారీ విజయాన్ని అందించిన బాబీకి.. చిరంజీవి కాస్ట్లీ గిఫ్ట్ ఇచ్చినట్టు తెలుస్తోంది. బాబీని త‌న ఇంటికి విందుకు ఆహ్వానించడమే కాదు.. రెండు కోట్ల రూపాయ‌లు విలువ చేసే కారుని కూడా గిఫ్ట్‌గా ఇచ్చార‌ట. ప్రస్తుతం ఈ న్యూస్ సోషల్ మీడియాలో వైరల్‌గా మారింది. అయితే ఇలాంటి వార్తల్లో ఎంతవరకు నిజముందనేది తెలియాల్సి ఉంది. కానీ మెగాస్టార్ మాత్రం వాల్తేరు వీరయ్య సక్సెస్‌ను ఫుల్లుగా ఎంజాయ్ చేస్తున్నారనే చెప్పాలి. మెగాభిమానులైతే ఓ పండగలా సెలబ్రేట్ చేసుకుంటున్నారు.
