Manjummel Boys : ఈ ఏడాదిలో మలయాళంలో సూపర్‌హిట్‌ మూవీగా నిలిచింది ‘మంజుమ్మెల్ బాయ్స్’. దాంతో పాటు అత్యధిక వసూళ్లు సాధించిన మలయాళ చిత్రంగా నిలిచింది. ప్రస్తుతం ఈ సినిమా టీమ్‌కి సంబంధించిన ఓ షాకింగ్ న్యూస్ వెలుగులోకి వచ్చింది. ఈ చిత్ర నిర్మాతలపై కేసు నమోదైంది. ఈ మూవీ పెట్టుబడిదారు నిర్మాతలపై పోలీసులకు ఫిర్యాదు చేశాడు. సౌబిన్ షాహిర్, బాబు షాహిర్, షాన్ ఆంటోనీపై కేసు నమోదు చేశారు పోలీసులు. పరవ ఫిల్మ్స్‌కు చెందిన ముగ్గురు నిర్మాతలపై డిస్ట్రిబ్యూటర్ మోసానికి పాల్పడ్డారని చెబుతున్నారు. చిదంబరం దర్శకత్వం వహించిన ‘మంజుమ్మెల్ బాయ్స్’ అన్ని భాషలలో భారీ విజయాన్ని సాధించింది. ప్రపంచవ్యాప్తంగా సుమారు రూ. 250 కోట్లు వసూలు చేసింది. ఒక పెట్టుబడిదారుడి ఫిర్యాదు మేరకు, ‘మంజుమేల్ బాయ్స్’ నిర్మాతలపై పోలీసులు మోసం కేసు నమోదు చేశారు.
చదవండి:Onion : ఉల్లి ఎగుమతికి ఓకే చెప్పిన కేంద్రం.. ఏ దేశాలకు చేయొచ్చంటే ?
అరూర్‌కు చెందిన సిరాజ్ వలితర అనే వ్యక్తి మొదట పరవ ఫిల్మ్స్ నిర్మాతలు, పార్ట్ నర్ అయిన ఆంటోనీని మోసం చేశాడని ఆరోపించాడు. సినిమా విడుదలయ్యాక వచ్చే లాభాల్లో 40 శాతం పంచుకుంటామని ఇద్దరూ హామీ ఇచ్చినా అది నెరవేర్చలేకపోయారు. 2022లో పరవ ఫిల్మ్స్‌లో రూ.7 కోట్లు పెట్టుబడి పెట్టానని, అయితే లాభాల్లో తనకు పూర్తి వాటా రాలేదని ఫిర్యాదుదారు తన పిటిషన్‌లో పేర్కొన్నారు.
చదవండి:Arvinder Singh : ఎన్నికల ముందు కాంగ్రెస్‌కు షాక్.. అధ్యక్ష పదవికి లవ్లీ రాజీనామా
20 కోట్ల బడ్జెట్‌తో రూపొందిన ఈ చిత్రం ప్రపంచ వ్యాప్తంగా 250 కోట్ల రూపాయల వసూళ్లు సాధించింది. రియల్ స్టోరీ ఆధారంగా తెరకెక్కిన ఈ సినిమా మంచి రివ్యూలను అందుకోవడంతోపాటు జనాల ప్రశంసలు అందుకుంది. సౌబిన్ షాహిర్, శ్రీనాథ్ భాసి, బాలు వర్గీస్, గణపతి ఎస్ పొదువాల్, దీపక్ పరంబోల్, పలువురు ఇతర ముఖ్య పాత్రల్లో నటించారు. ‘మంజుమ్మెల్ బాయ్స్’ OTT విడుదలను అనౌన్స్ చేశారు. ఈ చిత్రం మే 5, 2024న OTT ప్లాట్‌ఫారమ్ డిస్నీ ప్లస్ హాట్‌స్టార్‌లో విడుదల కానుంది. ఈ చిత్రం మలయాళంలోనే కాకుండా తెలుగు, తమిళం, మలయాళం, కన్నడ, హిందీ భాషల్లో కూడా ప్రసారం కానుంది.
