ప్రస్తుతం ఓటీటీ ప్రపంచమే నడుస్తోంది. అందుకే చాలా మంది థియేటర్ లో చూడని ప్లాప్ మూవీలను సైతం ఓటీటీలో చూస్తూ ఉంటారు. ఇవి మాత్రమే కాకుండా, కొన్ని వెబ్ సిరీస్ కూడా ఓటీటీ ప్రేక్షకులే లక్ష్యంగా విడుదల చేస్తూ ఉంటారు. ఈ క్రమంలోనే ఓటీటీలకు అలవాటు పడిపోయిన ప్రేక్షకులు వారాంతం వచ్చే సరికి ఏ వారం ఏ మూవీ ఓటీటీలోకి వస్తుందా, ఏ వెబ్ సిరీస్ అడుగుపెడుతుందా? అని ఎదురు చూస్తూ ఉంటారు. మరి ఈ వారం ఏయే సినిమాలు, వెబ్ సిరీస్ లు ఓటీటీలో సందడి చేయనున్నాయో ఓసారి చూద్దాం.
నెట్‌ఫ్లిక్స్, అమెజాన్ ప్రైమ్, డిస్నీ హాట్‌స్టార్ వంటి అగ్ర OTT ప్లాట్‌ఫారమ్‌లలో ఈ వారం ప్రీమియర్ అవుతున్న టైటిల్‌ల జాబితా ఇక్కడ ఉంది.
1.స్కంద ది మాస్ యాక్షన్: హీరో రామ్ పోతినేని ప్రధాన పాత్రలో బోయపాటి శ్రీను దర్శకత్వం వహించాడు. ఇది బోయపాటి స్టైల్‌లో పూర్తిస్థాయి మాస్ చిత్రం. నవంబర్ 2న డిస్నీ+ హాట్‌స్టార్‌లో OTT కి రానుంది. నిజానికి గత వారమే రావాల్సి ఉంది. కానీ వాయిదా పడింది. దీంతో ఈ వారం విడుదల చేయనున్నారు. థియేటర్ లో ఈ మూవీ మిక్స్ డ్ టాక్ తెచ్చుకుంది.
2.జవాన్ : SRK నటించిన చిత్రం బాక్స్ ఆఫీస్ వద్ద మెగా బ్లాక్ బస్టర్ చిత్రం ఇది. ఇప్పుడు నవంబర్ 2వ తేదీన నెట్‌ఫ్లిక్స్‌లో స్ట్రీమింగ్ కావడానికి సిద్ధంగా ఉంది.
3. టెంప్టేషన్ ఐలాండ్: ఇండియా టైటిల్ సూచించినట్లుగా, ఈ జియో సినిమా ఒరిజినల్ ఎరోటిక్ సిరీస్ కావచ్చు. ఇది నవంబర్ 3వ తేదీన జియో సినిమాలో ప్రీమియర్ అవుతుంది. బాలీవుడ్ గ్లామర్ డాల్ మౌనిరాయ్ ఈ షోకి హోస్ట్‌గా వ్యవహరిస్తున్నారు.
4.ఆర్య సీజన్ 3: ఈ హిందీ యాక్షన్ డ్రామా షోలో సుస్మితా సేన్ ప్రధాన పాత్రలో నటించారు. గతంలో వచ్చిన రెండు సీజన్లు వచ్చాయి. ఈ రెండు సీజన్లు గతంలోనూ సూపర్ గా హిట్ గా నిలిచాయి. దీంతో, మూడో సీజన్ తో ప్రేక్షకుల ముందుకు రావడానికి రెడీ అయ్యారు. ఈ సీరిస్ లో సుస్మిత తాను బ్రతకడానికి, తన కుటుంబాన్ని కాపాడుకోవడానికి ఎంత దూరం వెళుతుంది. అనే కథాంశంలో ఈ వెబ్ సిరీస్ తెరకెక్కించారు. ఇది నవంబర్ 3వ తేదీ నుండి హాట్‌స్టార్‌లో ప్రసారం అవుతుంది.
