ప్రస్తుతం స్టార్ హీరోల బర్త్ డేలను గ్రాండ్‌గా సెలబ్రేషన్స్ చేసుకుంటున్నారు అభిమానులు. రీసెంట్‌గా సూపర్ స్టార్ మహేష్ బాబు ఫ్యాన్స్.. ఒక్కడు, పోకిరి సినిమాల స్పెషల్ షోలతో హంగామా చేసిన సంగతి తెలిసిందే. దాంతో సెప్టెంబర్ 2న పవన్ కళ్యాణ్ పుట్టినరోజు సందర్భంగా.. రెండు తెలుగు రాష్ట్రాల్లోని మెగా ఫ్యాన్స్.. పలు సామజిక, సేవా కార్యక్రమాలు నిర్వహించేందుకు సన్నద్ధం అవుతున్నారు. అలాగే ఒక రోజు ముందుగా జల్సా సినిమాను డిజిటలైజ్ చేసి రీ రిలీజ్ చేస్తున్నారు. పవర్ స్టార్ సైన్య ఏకంగా 500 కి పైగా షోస్ ప్లాన్ చేస్తున్నారని తెలుస్తోంది. అలాగే తమ్ముడు మూవీని కూడా స్పెషల్ షోస్ వేయనున్నారు. ఈ మూవీస్ యొక్క స్పెషల్ షోస్ కలెక్షన్ నుండి వచ్చిన డబ్బుని చారిటీ కోసం వినియోగించనున్నారు.
అయితే రీసెంట్‌గా రిలీజ్ అయి.. బ్లాక్ బస్టర్‌గా నిలిచిన కార్తికేయ 2 మూవీ జల్సా స్పెషల్ షో కోసం వెనక్కి తగ్గినట్టు తెలుస్తోంది. తెలుగుతో పాటు హిందీలో దుమ్ముదులుపుతున్న కార్తికేయ2.. రెండు వారాలు గడిచినా మంచి వసూళ్లు రాబడుతోంది. ఇప్పటికే 100 కోట్ల మార్క్‌ను టచ్ చేసింది. అయితే సక్సెస్ ఫుల్‌గా రన్ అవుతున్న ఈ సినిమాను.. నిఖిల్ తన అభిమాన హీరో పవర్ స్టార్ పవన్ కళ్యాణ్ కోసం ఆపుకుంటున్నట్టు తెలుస్తుంది. సెప్టెంబర్ 1 న హైదరాబాద్ ఆర్‌టీసి క్రాస్ రోడ్‌లోని దేవి థియేటర్లో ‘జల్సా’ రీ రిలీజ్ అవుతున్న సందర్భంగా.. కార్తికేయ 2 షోని క్యాన్సిల్ చేస్తున్నట్టుగా సమాచారం. ప్రత్యేక షోల అనంతరం మళ్లీ ‘కార్తికేయ 2’ చిత్రం నార్మల్‌గా ఆ థియేటర్లో రన్ అవనుంది. ఏదేమైనా నిఖిల్.. పవన్ పై ఉన్న అభిమానాన్ని ఇలా చాటుకున్నాడని చెప్పొచ్చు.
