కెజియఫ్ తర్వాత హోంబలే ఫిలింస్ వారికి భారీ లాభాలను తెచ్చిపెట్టింది ఈ సినిమా. కేవలం 16 కోట్ల బడ్జెట్‌తో తెరకెక్కిన ఈ సినిమా 400 కోట్లు రాబట్టింది. రిషబ్ శెట్టి హీరోగా, దర్శకుడిగా పాన్ ఇండియా బాక్సాఫీస్ దగ్గర మంచి క్రేజ్ సొంతం చేసుకున్నాడు. అందుకే.. కాంతార 2ని భారీ బడ్జెట్‌తో తెరకెక్కిస్తున్నాడు. ఇప్పటికే రిలీజ్ చేసిన కాంతార 2 ఫస్ట్ లుక్ అంచనాలను మరింతగా పెంచేసింది. ప్రస్తుతం ఈ చిత్రానికి సంబందించిన పనులు శరవేగంగా జరుగుతున్నాయి. ఈ క్రమంలో సినిమాలో కొత్త నటీనటుల కోసం ఆడిషన్స్ ఓపెన్ చేశారు మేకర్స్.
చదవండి: Hanuman: ‘హనుమాన్’ ట్రైలర్ డేట్ లాక్!
మగవారు 30 నుండి 60 సంవత్సరాల వరకు, ఆడవారు 18 నుండి 60 సంవత్సరాల వరకు ఈ ఆడిషన్స్‌కి రావచ్చు.. అని ప్రకటించారు. ఆసక్తి ఉన్న వారు kantara.film అనే సైట్‌లో ప్రొఫైల్స్‌ను అప్లోడ్ చేయాల్సి ఉంటుందని సోషల్ మీడియా వేదికగా అనౌన్స్ చేశారు. ఇక ఆడిషన్ కాల్ చూసిన తర్వాత హాట్ బ్యూటీ పాయల్ రాజ్ పుత్‌.. ఆడిషన్ కోసం నన్ను కూడా ట్రై చేయండి అని ట్వీట్ చేసింది. ఈ అత్యద్భుతమైన చిత్రంలో భాగం కావడానికి నేను ఆసక్తిగా ఉన్నాను.
చదవండి: Animal: వెయ్యి కోట్ల వైపు దూసుకెళ్తున్న ‘యానిమల్’
దయచేసి నన్ను ఆడిషన్ కోసం నన్ను consider చేయండి.. అని కాంతార2 ఆడిషన్స్‌కు రిప్లే ఇచ్చింది. ఆ తర్వాత రిషబ్ శెట్టి, హోంబలే ఫిలింస్‌కు ట్యాగ్ చేస్తూ.. కాంతారా 2 కోసం ఆడిషన్‌లు జరుగుతున్నాయని తెలుసుకున్నాను. నా రీసెంట్ ఫిల్మ్ మంగళవారంలో నటనకు విశేషమైన ప్రశంసలు వచ్చాయి. మీరు ఆ సినిమా చూడగలిగితే అభినందిస్తాను. దయచేసి.. ఆడిషన్ ప్రాసెస్ గురించి సలహా ఇవ్వండి.. అంటూ రాసుకొచ్చింది. మరి రిషబ్ శెట్టి అమ్మడి కోరిక మేరకు ఛాన్స్ ఇస్తాడేమో చూడాలి.
