కొత్త డైరెక్టర్స్ అంతా.. దాదాపుగా స్టార్ హీరోలను దృష్టిలో పెట్టుకొని.. వాళ్లను ఊహించుకొని కథలు రాస్తుంటారు. ఫస్ట్ సినిమా బడా హీరోతో చేస్తే.. ఆ క్రేజ్ వేరే లెవల్లో ఉంటుంది. కానీ అది అనుకున్నంత ఈజీ కాదు. స్టార్ హీరోలతో సినిమాలు చేయాలంటే.. ముందు ఓ సాలిడ్ హిట్ కొట్టి చూపించాలి. ఆ తర్వాత ఆటోమేటిక్‌గా ఆఫర్లు వాటంతటా అవే వచ్చేస్తాయి. ప్రస్తుతం శ్రీకాంత్ ఓదెల పరిస్థితి కూడా ఇలాగే ఉంది.
స్టార్ డైరెక్టర్ సుకుమార్ దగ్గర శిష్యరికం చేశాడు శ్రీకాంత్. రంగస్థలం, నాన్నకు ప్రేమతో సినిమాలకు అసిస్టెంట్ డైరెక్టర్‌గా పని చేశాడు. ఈ క్రమంలోనే దసరా కథను రామ్ చరణ్ కోసం రాసుకున్నాడట. కానీ ఫస్ట్ సినిమానే స్టార్ హీరోతో అంటే కష్టం.. ఆ కోణంలో ఆలోచించిన శ్రీకాంత్, మిగతా హీరోల కోసం ట్రై చేశాడట. అసలు చరణ్ దగ్గరికి ఈ స్టోరీ వెళ్లిందో లేదో తెలియదు గానీ.. ఐదేళ్ల తర్వాత రంగస్థలం రిలీజ్ అయిన రోజే.. దసరా మూవీని రిలీజ్ చేసి.. గురువు తగ్గ శిష్యుడని అనిపించుకున్నాడు శ్రీకాంత్ ఓదెల. అయితే యంగ్ హీరో నితిన్ మాత్రం ఈ ప్రాజెక్ట్‌ను రిజెక్ట్ చేశాడట. డెబ్యూ డైరెక్టర్ కావడంతో నితిన్ నో చెప్పాడనే న్యూస్ వైరల్ అవుతుంది. ఆ తర్వాత కూడా ఇద్దరు ముగ్గురు హీరోలను ట్రై చేశాడట శ్రీకాంత్. కానీ ఫైనల్‌గా.. దసరా కథ న్యాచురల్ స్టార్ నాని దగ్గరికి వెళ్లడం.. స్టోరీ తెగ నచ్చేయడంతో వెంటనే శ్రీకాంత్‌కి గ్రీన్ సిగ్నల్ ఇచ్చేయడం జరిగిపోయాయి. ఇక మార్చి 30న థియేటర్లోకి వచ్చిన దసరా మూవీ.. పాన్ ఇండియా బాక్సాఫీస్ దగ్గర సత్తా చాటుతోంది. ఫస్ట్ డే 38 కోట్ల గ్రాస్ అందుకొని.. నాని కెరీర్ బెస్ట్‌ ఓపెనింగ్‌ ఫిల్మ్‌గా నిలిచింది. దసరా మూవీతో నాని కూడా స్టార్ హీరోల జాబితాలో చేరిపోయాడు. ఇక నుంచి నాని బాక్సాఫీస్ లెక్కలు మారిపోనున్నాయి. మొత్తంగా దసరాతో సాలిడ్ హిట్ కొట్టేశాడు శ్రీకాంత్ ఓదెల.
