‘జోష్’ సినిమాతో గుర్తింపు పొందిన కమెడియన్ రవి ఇంట్లో విషాదం నెలకొంది. గుండెపోటుతో ఆయన తండ్రి హఠాన్మరణం చెందారు. గతవారమే ఈ ఘటన జరగగా, ఆలస్యంగా వెలుగులోకి వచ్చింది. ప.గో. జిల్లా మార్టేరు గ్రామంలో నివసించే రవి తండ్రి, కార్తీక సోమవారం సందర్భంగా శివాలయంలో అభిషేకం కోసం వెళ్లినప్పుడు అస్వస్థతకు గురయ్యారు. ఇంటికి తీసుకెళ్లే దారిలోనే గుండెపోటు రావడంతో తుదిశ్వాస విడిచారు.
