అప్పట్లో రజినీకాంత్ చంద్రముఖి సినిమాలో నటించిన పాత్రలో ఇప్పుడు లారెన్స్ నటిస్తున్నారు. అప్పుడు చంద్రముఖిగా జ్యోతిక భయపెట్టింది. ఇప్పుడు బాలీవుడ్ క్వీన్ కంగనా రనౌత్ భయపెట్టడానికి రెడీ అయ్యింది. నిజానికి ఈ సినిమా వినాయక చవితి సందర్భంగా విడుదల కావాల్సి ఉంది. కానీ మేకర్స్ మూవీ విడుదలను వాయిదా వేశారు. ఇప్పుడు ఈ సినిమాను సెప్టెంబర్ 28వ తేదీన ప్రేక్షకుల ముందుకు తీసుకురానున్నారు.
చదవండి: Animal: యానిమల్ విలన్ అంటే ఇలానే ఉంటాడు..!
ఆ తేదీన ప్రభాస్ సలార్ వస్తుందని అందరూ అనుకున్నారు. కానీ అది వాయిదా పడటంతో, ఇప్పుడు ఆ సెప్టెంబర్ 28వ తేదీన లాక్ చేసుకున్నారు. మరో రెండు రోజుల్లో ఈ సినిమా విడుదల అవుతుండటంతో లారెన్స్ రజినీకాంత్ ని కలిశారు. ఈ విషయాన్ని లారెన్స్ స్వయంగా సోషల్ మీడియాలో షేర్ చేశాడు. రీసెంట్ గా రజినీకాంత్ జైలర్ మూవీతో బ్లాక్ బస్టర్ హిట్ అందుకున్న విషయం తెలిసిందే. ఈ నేపథ్యంలో ఆయనకు లారెన్స్ శుభాకాంక్షలు తెలియజేశాడు. అదేవిధంగా తాను చంద్రముఖి2 సినిమాతో ప్రేక్షకుల ముందుకు రావడానికి రెడీ అయ్యానని, అందుకే రజినీకాంత్ దగ్గర ఆశీస్సులు తీసుకున్నానని చెప్పారు.
చదవండి: Shocking కామెంట్స్.. కేరళ కుట్టిని వేధించిన స్టార్ హీరో?
ప్రస్తుతం రజనీకాంత్, లారెన్స్ ఫోటోలు నెట్టింట వైరల్ అవుతున్నాయి. ఇక చంద్రముఖి 2 విషయానికి వస్తే తాజాగా ఈ మూవీ టీమ్ ప్రమోషన్స్ మొదలుపెట్టింది. కంగనా రనౌత్, లారెన్స్ హైదరాబాద్ లో సందడి చేశారు. భాగ్యనగరంలో పలు ఇంటర్వ్యూల్లో పాల్గొన్నారు. పెద్దమ్మ గుడికి వెళ్లి అమ్మవారి దర్శనం చేసుకున్నారు.
