చివరగా లాల్ సింగ్ చడ్డా అనే సినిమా(Lalsingh Chadda)తో ఆడియెన్స్ ముందుకొచ్చాడు అమీర్ ఖాన్(Aamir Khan). ఈ సినిమాలో అక్కినేని నాగ చైతన్య(Akkineni Naga chaitanya) కీ రోల్ ప్లే చేశాడు. హాలీవుడ్(Hollywood) మూవీ ఫారెస్ట్ గంప్ ఆధారంగా తెరకెక్కిన ఈ సినిమా.. బాక్సాఫీస్ దగ్గర ఊహించని విధంగా బోల్తా కొట్టేసింది. ఈ సినిమా దెబ్బకు కొన్ని రోజులు సినిమాలకు గ్యాప్ ఇచ్చేశాడు అమీర్ ఖాన్. ప్రస్తుతం సినిమాలకు దూరంగానే ఉంటున్నాడు. అయితే మొన్ననే పది రోజుల పాటు జరగనున్న విపస్సనా ధ్యాన కార్యక్రమం కోసం నేపాల్ వెళ్లాడు. ఆదివారం రోజు ఉదయం విస్తారా ఎయిర్‌లైన్స్‌లో ఖాట్మండు చేరుకున్నారు అమీర్.
చదవండి: Harish Shankar: రౌడీ ఫ్యాన్స్‌ను రెచ్చగొట్టిన హరీష్ శంకర్.. టార్గెట్ అనసూయ!
ఖాట్మండుకు 12 కిలోమీటర్ల దూరంలో బుధానీలకంఠలో ఉన్న విపస్సనా ధ్యాన కేంద్రంలో జరిగే కార్యక్రమంలో అమీర్(Aamir Khan) పాల్గొంటున్నాడు. ఇది ఖాట్మండులోని ప్రముఖ ధ్యాన కేంద్రాలలో ప్రసిద్ధి చెందింది. అమీర్ చివరిసారిగా 2014లో ఖాట్మండులో జరిగిన యునిసెఫ్ కార్యక్రమంలో పాల్గొనేందుకు నేపాల్‌కు వెళ్లారు. ఇక ఇప్పుడు మళ్లీ ఇన్నాళ్లకు వెళ్లాడు. ఇదిలా ఉంటే.. అమీర్ ఖాన్ నెక్స్ట్ సినిమా చేయబోతున్నాడు? అనే క్లారిటీ రావడం లేదు.
చదవండి: Vijay Devarakonda: విజయ్ దేవరకొండ బర్త్ డే కానుకగా ‘VD12’ పోస్టర్ రిలీజ్
కానీ బాలీవుడ్(Bollywood) వర్గాల ప్రకారం.. గజిన సినిమాకు సీక్వెల్ ప్లానింగ్‌లో ఉన్నట్టు తెలుస్తోది. టాలీవుడ్ బడా నిర్మాత అల్లు అరవింద్‌తో కలిసి ఈ సినిమా చేయబోతున్నాడట. ప్రస్తుతం ఈ సినిమా సీక్వెల్ గురించి చర్చలు జరుగుతున్నట్టు తెలుస్తోంది. తమిళ్‌లో సూర్య నటించిన గజిని సినిమాను హిందీలో రీమేక్ చేసి సూపర్ హిట్ కొట్టాడు మురుగదాస్. అందుకే ఇప్పుడు గజిని 2 ప్లాన్ చేస్తున్నట్టు టాక్. త్వరలోనే ఈ సినిమా పై క్లారిటీ రానుంది.
