Earthquake : జపాన్‌లో మంగళవారం బలమైన భూకంపం సంభవించింది. జపాన్‌లోని హోన్షు పశ్చిమ తీరానికి సమీపంలో మధ్యాహ్నం 2:29 గంటలకు 6.0 తీవ్రతతో భూకంపం సంభవించింది. ఇప్పటివరకు అందిన సమాచారం ప్రకారం భూకంపం ధాటికి ఎలాంటి ప్రాణ నష్టం జరిగినట్లు సమాచారం లేదు. 6.0 తీవ్రతతో భూకంపం తర్వాత ఇంకా సునామీ హెచ్చరిక లేదని జపాన్ ప్రభుత్వం తెలిపింది.
చదవండి:Naa SamiRanga: ఈ పండక్కి.. నా సామిరంగ ట్రైలర్
జపాన్ వాతావరణ శాస్త్రం ప్రకారం.. జపాన్ సముద్ర తీరంలో భూకంపం సంభవించింది. జనవరి 1 న మధ్య జపాన్‌లోని కొన్ని ప్రాంతాలను శక్తివంతమైన భూకంపం ధ్వంసం చేసిన దేశంలోని అదే భాగాన్ని మరో సారి కదిలించింది. దాని ప్రకంపనలు విస్తృత విధ్వంసం కలిగించాయి. 200కంటే ఎక్కువ మంది మరణించారు. జనవరి 1న సంభవించిన భూకంపంలో ఇంకా 100 మంది ఆచూకీ తెలియలేదని వాతావరణ అధికారి తెలిపారు. న్యూ ఇయర్ సందర్భంగా 7.5 తీవ్రతతో సంభవించిన భూకంపం అనేక భవనాలను ధ్వంసం చేసింది. అలాగే, నోటో ద్వీపకల్పంలో మౌలిక సదుపాయాలకు గణనీయమైన నష్టం జరిగింది.
చదవండి:Guntur Karam: గుంటూరు కారం టికెట్ రేట్లు పెరిగాయి.. ఎంతంటే?
జనవరి 1 న భూకంపం తరువాత జపాన్‌లో నిరంతర భూకంపాలు కొనసాగాయి. భూకంపాలు ఇలాగే వస్తే ఇప్పటికే దెబ్బతిన్న ఇళ్లు, రోడ్లు పూర్తిగా ధ్వంసమయ్యే అవకాశం ఉందని అధికారులు హెచ్చరించారు. గత శనివారం రాత్రి, ఆదివారం వర్షం, మంచు కురిసే అవకాశం ఉండటంతో ఈ ప్రమాదం మరింత పెరిగింది. జపాన్‌లోని వాజిమా నగరంలో అత్యధిక మరణాలు నమోదయ్యాయి. వాజిమాలో 69 మంది, సుజులో 38 మంది మరణించారు. 500 మందికి పైగా గాయపడ్డారు. వారిలో 27 మంది తీవ్రంగా గాయపడ్డారు.
