Blood and Chocolate First Look Released
Blood and Chocolate: బ్లడ్ అండ్ చాక్లెట్ (Blood and Chocolate) మూవీ ఫస్ట్ లుక్‌ను ప్రముఖ నిర్మాత దిల్ రాజు ట్విట్టర్ వేదికగా రిలీజ్ చేశారు. సస్పెన్స్ థ్రిల్లర్‌గా రూపొందుతున్న మూవీ.. తెలుగు, తమిళ భాషల్లో ఈ నెల 21వ తేదీన విడుదల కానుంది. తెలుగులో ఎస్ఆర్డీఎస్ సంస్థ మూవీ రిలీజ్ చేయనుంది.. ప్రముఖ సంగీత దర్శకుడు జీవీ ప్రకాష్ అద్భుతమైన పాటలు అందించారు. నేపథ్య సంగీతం మూవీకి హైలైట్‌గా నిలుస్తుందని దర్శకుడు వసంత బాలన్ చెప్పారు. సినిమాలో వనితా విజయ్ కుమార్, అర్జున్ చిదంబరం, సురేష్ చక్రవర్తి తదితరులు నటించారు.
చదవండి: Bro movie: మూడు వారాల్లో సినిమా విడుదల.. ఇంకా షూటింగ్ పూర్తి కాలేదు.. ఆందోళనలో పవన్ ఫ్యాన్స్
లెజండరీ డైరెక్టర్ శంకర్ ప్రొడక్షన్స్ అయిన ఎస్ పిక్చర్స్ పతాకంపై బ్లడ్ అండ్ చాక్లెట్ (Blood and Chocolate) మూవీ నిర్మిస్తున్నారు. ఇదివరకు ప్రేమిస్తే, వైశాలి, షాపింగ్ మాల్ లాంటి సినిమాలను నిర్మించారు. డైరెక్టర్ శంకర్ ప్రొడక్షన్‌లో ఫస్ట్ టైమ్ సస్పెన్స్ థ్రిల్లర్‌గా మూవీ నిర్మించారు. షాపింగ్ మాల్, ఏకవీర లాంటి సినిమాలు తీసి జాతీయ అవార్డు కూడా సొంతం చేసుకున్న వసంత బాలన్ ఈ మూవీని డైరెక్ట్ చేస్తున్నారు. ఖైదీ, మాస్టర్, విక్రమ్ లాంటి చిత్రాలతో మంచి గుర్తింపు పొందిన అర్జున్ దాస్ హీరోగా, దుసరా విజయన్ హీరోయిన్‌గా నటిస్తున్నారు.
