తిరుమల శ్రీవారికి ఓ భక్తురాలు రూ.2 కోట్ల విలువైన బంగారు ఆభరణాన్ని కానుకగా సమర్పించారు. టీటీడీ మాజీ ఛైర్మన్ డీకే ఆదికేశవులునాయుడు మనుమరాలు చైతన్య శ్రీవారికి స్వర్ణ వైజయంతి మాలను కానుకగా అందజేశారు. టీటీడీ ఛైర్మన్ బీఆర్ నాయుడు చేతుల మీదుగా వైజయంతి మాలను శ్రీవారికి సమర్పించారు. మరో స్వర్ణ వైజయంతి మాలను తిరుచానూరు పద్మావతీ అమ్మవారికి సైతం కానుకగా సమర్పించినట్లు చైతన్య తెలిపారు.
