RBI: వాణిజ్య బ్యాంకులు రూ.2000 నోట్లను స్వీకరించడం నిలిపివేసిన తర్వాత నవంబర్ 30 వరకు 97.26 శాతం నోట్లు బ్యాంకులకు తిరిగి వచ్చాయి. ఈ మేరకు రిజర్వ్ బ్యాంక్ ఆఫ్ ఇండియా ఈరోజు ఒక పత్రికా ప్రకటన విడుదల చేసింది. ఈ ఏడాది మే 19న రూ.2000 నోట్లను ఉపసంహరించుకుంటున్నట్లు ఆర్బీఐ ప్రకటించడం గమనార్హం. 2016లో డీమోనిటైజేషన్ తర్వాత ఈ నోటును ప్రవేశపెట్టారు. ఆ సమయంలో రూ.500, రూ.1000 నోట్లను చలామణి నుంచి ఉపసంహరించుకుంటున్నట్లు ప్రధాని నరేంద్ర మోడీ ప్రకటించారు. బ్యాంకులో నోట్లను డిపాజిట్ చేసేందుకు తొలుత 2023 సెప్టెంబరు 30 వరకు గడువు విధించినట్లు ఆర్బీఐ తెలిపింది.
చదవండి:Andhrapradesh: ఏపీలో నిలిచిన భూ రిజిస్ట్రేషన్లు..సాయంత్రం వరకూ జనం పడిగాపులు!
97.26% of the Rs 2,000 banknotes in circulation as of May 19, 2023, have returned. The Rs 2,000 banknotes continue to be legal tender: RBI pic.twitter.com/rSxx8hv4By
— ANI (@ANI) December 1, 2023
తర్వాత ఈ తేదీని అక్టోబర్ 7 వరకు పొడిగించారు. దీని తర్వాత, బ్యాంకు శాఖలలో ఈ నోట్లను డిపాజిట్ చేయడానికి లేదా మార్చడానికి సౌకర్యాలు నిలిపివేయబడ్డాయి. వ్యక్తులు లేదా సంస్థలు 19 RBI కార్యాలయాల్లో ఒకేసారి రూ.2,000 నోట్లను రూ.20,000 పరిమితి వరకు మార్చుకోవచ్చు. రూ. 2000 నోట్లు ఇప్పటికీ చెల్లుబాటులో ఉన్నాయి. రూ. 3.56 లక్షల కోట్ల విలువైన రూ. 2000 నోట్లు 19 మే 2023న చెలామణిలో ఉన్నాయి.
చదవండి:Sagar నుంచి నీరు తీయడం ఆపండి, ఏపీ సర్కార్‌కు కేఆర్ఎంబీ ఆదేశం
