హైదరాబాద్‌(hyderabad)లోని బొల్లారం(bolarum)లో తెల్లవారుజామున 5 గంటలకు మార్నింగ్ వాక్ కోసం బయటకు వచ్చిన ఇద్దరు మహిళలను వేగంగా వచ్చిన స్పోర్ట్ బైక్(sports bike) ఢీకొట్టింది. ఈ ఘటనలో ఇద్దరు వృద్ధ మహిళలు మృతి చెందారు. మృతులు రిసాల బజార్‌లో నివాసం ఉంటున్న రాధిక (48), కళాసిగూడకు చెందిన బాలమణి యాదవ్ (60)గా గుర్తించారు. వీరిద్దరూ చాలా ఏళ్లుగా స్నేహితులుగా ఉన్నారని పోలీసులు తెలిపారు. బొల్లారంలోని కంటోన్మెంట్ బోర్డ్ పార్క్ సమీపంలో మహిళలు మార్నింగ్ వాక్ చేస్తున్న క్రమంలో ఈ ఘటన జరిగింది.
అయితే ఉప్పల్‌(uppal)లో నివాసముంటున్న ఐటీ ఉద్యోగి ఆదిత్య(32) అనే యువకుడు శామీర్‌పేట వైపు అతివేగంతో 900 సీసీ స్పోర్ట్ బైక్(sports bike) పై వెళుతూ వారిని ఢీకొట్టాడు. దీంతో వారి ఇద్దరి తలకు బలమైన గాయాలు అయ్యాయి. అయితే రాధిక అక్కడికక్కడే మృతి చెందగా, 108 అంబులెన్స్‌లో ఆసుపత్రికి తరలిస్తుండగా బాలమణి యాదవ్ మృతి చెందింది. సమాచారం అందుకున్న పోలీసులు, సిబ్బంది ఘటనా స్థలానికి చేరుకుని మృతులను పోస్టుమార్టం నిమిత్తం గాంధీ ఆస్పత్రికి తరలించారు. ఈ ఘోర ప్రమాదానికి సంబంధించిన సీసీటీవీ ఫుటేజీని పరిశీలించి ఆదిత్యపై కేసు నమోదు చేశారు. ఈ విషయమై తదుపరి విచారణ జరుపుతున్నట్లు పోలీసులు తెలిపారు.
ర్యాష్ డ్రైవింగ్‌ కారణంగా మార్నింగ్ వాకర్స్(morning walkers) మృతి చెందడం హైదరాబాద్లో ఇది రెండో ఘటన. జూలై 4న సన్ సిటీలో వేగంగా వస్తున్న కారు ఢీకొనడంతో మార్నింగ్ వాకింగ్ చేస్తున్న ఓ మహిళ, ఆమె కుమార్తె మరణించారు. ఈ ప్రమాద వీడియో సోషల్ మీడియాలో సంచలనంగా మారింది. ముగ్గురు వాకర్లను ఢీకొట్టి నేలపై నుంచి వారిని విసిరిన దృశ్యాలు, కారు రోడ్డుపై నుంచి జారిపడి చెట్టును ఢీకొట్టిన దృశ్యాలు వైరల్ అయ్యాయి. ఆ క్రమంలో కారు నడుపుతున్న వ్యక్తితో పాటు మరో ముగ్గురు వ్యక్తులు వాహనాన్ని వదిలి పరారయ్యారు. అనంతరం కారు నడుపుతున్న 19 ఏళ్ల విద్యార్థిని పోలీసులు అదుపులోకి తీసుకున్నారు. విద్యార్థి తన ముగ్గురు స్నేహితులతో కలిసి పుట్టినరోజు జరుపుకునేందుకు మొయినాబాద్‌కు వెళ్తున్న క్రమంలో ఇది జరిగిందని పేర్కొన్నారు. కానీ వారిపై ఎలాంటి చర్యలు తీసుకున్నారో ఇంతవరకు తెలియరాలేదు.
ఇది కూడా చూడండి: Cheating: ఫుడ్ ప్రొడక్ట్స్ పేరుతో రూ.9.5 కోట్లు చీటింగ్..టీచర్ అరెస్ట్
