తెలంగాణ గ్రూప్ 4(telangana Group 4) పరీక్షకు హాజరైన అభ్యర్థులందరూ పరీక్ష ఫలితాల(results) కోసం ఆసక్తిగా ఎదురుచూస్తున్నారు. ఈ క్రమంలో మరికొన్ని రోజుల్లో ఫలితాలను రిలీజ్ చేసేందుకు అధికారులు కసరత్తు చేస్తున్నట్లు తెలుస్తోంది. రాష్ట్రంలో వచ్చే ఎన్నికల షెడ్యూల్ రాకముందే ఈ ఫలితాలు విడుదల చేయాలని అధికారులు సిద్ధమవుతున్నారు. 8 వేలకుపైగా పోస్టులు ఉన్న నేపథ్యంలో దాదాపు 7 లక్షలమందికిపైగా అభ్యర్థులు ఎగ్జామ్ రాశారు. ఈ క్రమంలో ఫలితాలు విడదల చేస్తే ప్రభుత్వానికి అనుకూలంగా ఎంపికైన అభ్యర్థుల్లో సానుకూల ధోరణి వచ్చే అవకాశం ఉందని కూడా పలువురు అంటున్నారు.
ఈ నేపథ్యంలో త్వరగా గ్రూప్ 4 ఫలితాలు రిలీజ్ చేయాలని అధికారులు(officers) ఏర్పాట్లు చేస్తున్నట్లు తెలుస్తోంది. తెలంగాణలోని వివిధ ప్రభుత్వ శాఖల్లో 8,039 ఖాళీల భర్తీకి TSPSC గ్రూప్ 4 పరీక్షను జూలై 1, 2023న నిర్వహించారు. పరీక్ష అనేది రెండు పేపర్లు, జనరల్ స్టడీస్ మరియు డిస్క్రిప్టివ్ పేపర్‌లతో కూడిన వ్రాత పరీక్షను జరిపారు. ఈ పరీక్షకు తెలంగాణ వ్యాప్తంగా 9,51,205 మంది అప్లై చేసుకోగా, సుమారు 80 శాతం మంది పరీక్షకు హాజరయ్యారు. తెలంగాణలోని వివిధ ప్రభుత్వ శాఖల్లోని ఈ పోస్టుల భర్తీకి ఈ పరీక్ష నిర్వహించబడింది. పరీక్షకు అర్హత మార్కులు జనరల్ 40%, OBC 35%, SC 30%, ST 30%. రాష్ట్రంలో గ్రూప్ 4 నోటిఫికేషన్ డిసెంబర్ 1, 2022న విడుదలైంది. ఈ నేపథ్యంలో ఏడాదిలోపై ఈ ప్రక్రియను పూర్తి చేయాలని అధికారులు భావిస్తున్నట్లు సమాచారం.
ఇది కూడా చూడండి: Rain Alert: తెలంగాణలో మరో మూడు రోజులు భారీ వర్షాలు.. ఎల్లో అలెర్ట్‌ జారీ
