సైమా అవార్డ్స్(Siima Awards 2023)ని సినిమా వారు ఎంతో ప్రతిష్టాత్మకంగా భావిస్తారు. సినీ రంగానికి సంబంధించిన ఇండియా మొత్తంలో చాలా రకాల పురస్కారాలను అందిస్తున్నారు. అందులో సౌత్ ఇండియాలో ఉన్న సినీ పరిశ్రమలకు చెందిన చిత్రాలు, నటులు, టెక్నీషియన్లలో టాలెంట్‌ను వెలికి తీసి ఇచ్చేందుకు తీసుకువచ్చిన ప్రతిష్టాత్మక అవార్డులే సౌత్ ఇండియన్ ఇంటర్నేషనల్ మూవీ అవార్డ్స్ (సైమా). ఈ అవార్డుల వేడుక రెండు రోజుల పాటు నిర్వహిస్తారు. ఒకేసారి తెలుగు, తమిళం, కన్నడం, మలయాళం ఇండస్ట్రీలకు చెందిన వారికి ప్రదానం చేస్తుంటారు.
ఇది కూడా చూడండి: Naga chaitanya: చైతూ సరసన కీర్తి..మహానటి కాంబినేషన్..!
కొన్నేళ్లుగా పలు క్యాటగిరిల్లో పలు సౌత్ సినిమాలకు అవార్డులు అందించే సైమా వారు తాజాగా 2023 ఏడాదికి గాను తమ అవార్డుల ఈవెంట్ జరుగు తేదీలను అధికారికంగా ప్రకటించారు. ఇక ఈ వేడుక రెండు రోజుల పాటు రానున్న సెప్టెంబర్ 15, 16 తేదీల్లో dubaiలో జరుగనున్నట్లు సైమా వారు ఇటీవల తెలిపారు. కాగా ఈ గ్రాండ్ వేడుక దుబాయ్(dubai)లో ఎంతో అంగరంగ వైభవంగా పలువురు తారల తళుకుల నడుమ జరుగనుంది. కాగా ఈ అవార్డులని అందుకునే వారి క్యాటగిరీలు, ఓటింగ్ వివరాలని త్వరలో ప్రకటించనున్నారు.
మొదటి రోజు తెలుగు, కన్నడ చిత్ర పరిశ్రమలకు అవార్డులను ప్రకటించబోతున్నారు. ఇక, రెండో రోజు తమిళం, మలయాళం ఇండస్ట్రీలకు సంబంధించిన అవార్డులు(awards) ఉంటాయి. ఈ కార్యక్రమాన్ని సౌతిండియాలోనే పేరున్న ఇద్దరు టాలెంటెడ్ హీరోలు హోస్ట్ చేసే అవకాశం ఉందని తెలుస్తోంది.
