బస్సు అదుపు తప్పి చెరువులోకి దూసుకెళ్లిన ఘటన(Bus Accident)లో 17 మంది దుర్మరణం (17 died) చెందారు. ఈ ప్రమాదంలో చాలా మందికి గాాయాలయ్యాయి. బస్సులో 60 మందికి పైగా ప్రయాణిస్తున్నారు. ఆ బస్సు బంగ్లాదేశ్ లోని భండారియా సబ్ డిస్ట్రిక్ట్ నుంచి హెడ్ క్వార్టర్స్ బరిషాల్‌కు వెళ్తోంది. ఝల్కరి జిల్లాలో ఈ దారుణ ఘటన చోటుచేసుకుంది. స్థానికుల సమాచారం మేరకు పోలీసులు సంఘటనా స్థలానికి చేరుకుని సహాయక చర్యలు చేపట్టారు.
చదవండి: Breakingnews : ఏపీలో ఘోర రోడ్డు ప్రమాదం.. ఐదుగురు దుర్మరణం
ఈ ఘటనతో మరికొందరు ఆస్పత్రిలో చికిత్స పొందుతున్నారు. చెరువులో నుంచి 17 మంది మృతదేహాలను(Dead bodies) పోలీసులు వెలికితీశారు. భారీ వర్షాలకు చెరువు పూర్తిగా నిండింది. దీంతో క్రేన్ల సహాయంతో బస్సును బయటకు తీసేందుకు పోలీసులు ప్రయత్నించారు. ఈ ప్రమాదంలో ముగ్గురు చిన్నారులు మృతిచెందారు. ఎనిమిది మంది మహిళల మృతదేహాలు లభ్యం అయ్యాయి. ఈ సమాచారాన్ని సబ్ ఇన్‌స్పెక్టర్ గౌతమ్ కుమార్ ఘోష్ వెల్లడించారు.
చదవండి: Breaking: షాకింగ్..నెల్లూరు ఆస్పత్రిలో ఆరుగురు చిన్నారులు మృతి
బస్సు ప్రమాదం(Bus accident) జరిగిన సమయంలో బస్సులో మొత్తం 65 మంది ఉన్నారని గాయపడిన వ్యక్తి తెలిపారు. తాను డ్రైవర్ సీటు దగ్గర ఉన్నానని, బస్సు నడిపే సమయంలో అజాగ్రత్తగా ఉండటం వల్లే ఈ ప్రమాదం జరిగినట్లు ఆ వ్యక్తి వెల్లడించారు. బస్సు క్లీనర్‌తో డ్రైవర్ మాట్లాడుతుండటం వల్ల ఈ దారుణం జరిగిందని తెలిపాడు. ప్రమాదంలో తన తండ్రి చనిపోయాడని ఆవేదన వ్యక్తం చేశాడు. సంఘటనా స్థలం వద్ద బాధిత కుటుంబ సభ్యులు బోరున విలపించారు.
