నటుడు, దర్శకుడు, కొరియోగ్రాఫర్ రాఘవ లారెన్స్(Raghava Lawrence) గతంలో అనేక మంది మహిళలకు క్యాన్సర్ ఆపరేషన్లు చేయించి మంచి మనసు చాటుకున్నారు. ఇప్పుడు మరోసారి తన దాతృత్వ సేవల ద్వారా వార్తల్లో నిలిచారు. ఇటీవల 150 మంది పిల్లలను దత్తత తీసుకుని వారికి విద్యను అందిస్తానని లారెన్స్ హామీ ఇచ్చి మరోసారి వార్తల్లో నిలిచాడు. ఇది తెలిసిన అతని అభిమానులతోపాటు పలువురు ప్రముఖుల సైతం లారెన్స్ సేవలను కొనియాడుతున్నారు.
ఈ క్రమంలో తాజాగా పాన్ ఇండియా యాక్టర్ అల్లు అర్జున్ సైతం స్పందించారు. రాఘవ పిల్లలతో కలిసి ట్విట్టర్లో పోస్ట్ చేసిన చిత్రానికి రెస్ పెక్ట్ అంటూ హార్ట్ సింబల్ పెట్టి స్టైలిష్ స్టార్ కామెంట్ చేశారు. ఇది చూసిన మరికొంత మంది గాడ్ బ్లేస్ యూ అన్నా, రియల్ లైఫ్ హీరో, గ్రేట్ అన్నా అంటూ కామెంట్లు చేస్తున్నారు.
చదవండి: Test: మాధవన్, సిద్ధార్థ్, నయన్ క్రేజీ కాంబోలో మూవీ..టెస్ట్ మోషన్ పోస్టర్ రిలీజ్
రాఘవ లారెన్స్ పిల్లలను దత్తత తీసుకుంటున్నట్లు ప్రకటించినప్పుడు చిరునవ్వులతో పోజులిచ్చిన ఫోటోను ట్విట్టర్లో పంచుకున్నారు. తాను నటించిన రుద్రడు చిత్రం ఆడియో లాంచ్ కార్యక్రమంలో భాగంగా 150 మంది పిల్లలను దత్తత తీసుకుని వారికి విద్యను గురించి వార్తను పంచుకోవడం సంతోషంగా ఉందని ఈ మేరకు ప్రకటించారు. ఈ క్రమంలో తనకు మీ అందరి ఆశీస్సులు కావాలని కోరారు. అంతేకాదు పిల్లలెవరైనా స్కూలుకు వెళ్లేందుకు ఇబ్బంది పడుతుంటే లేదా గుండె శస్త్రచికిత్స చేయించుకోవాల్సిన వారు వెంటనే లారెన్స్ ఛారిటబుల్ ట్రస్ట్‌ను సంప్రదించాలని ఆయన కోరారు.
రజనీకాంత్, సూర్య తర్వాత నిర్మాత VA దువారీకి ఆర్థిక సహాయం అందించినందుకు కూడా రాఘవ(Raghava Lawrence) గతంలో వార్తల్లో నిలిచాడు. నిర్మాత వైద్య ఖర్చుల కోసం మూడు లక్షల రూపాయలను విరాళంగా ఇచ్చాడు. VA దువారీ అనారోగ్యంతో ఉన్న క్రమంలో అతనిని చూసుకునే వారు ఎవరూ లేకపోవడంతో అతని స్నేహితుడి ఇంట్లో నివసిస్తున్నారు. అతడి కాళ్లకు తీవ్ర గాయాలైనట్లు కూడా తెలిసింది. ఆ క్రమంలో అతడి వైద్యం కోసం సాయం చేయాలంటూ నిర్మాత స్నేహితుడు సోషల్ మీడియా(social media)లో ఓ వీడియో పోస్ట్ చేయగా దీనిపై పలువురు నటీనటులు స్పందించారు. ఇదిలా ఉంటే రాఘవ లారెన్స్ తన రాబోయే చిత్రం రుద్రడు ఏప్రిల్ 14 న థియేటర్లలో విడుదల కానుంది. కతిరేశన్ దర్శకత్వం వహించిన ఈ చిత్రంలో ప్రియా భవానీ శంకర్ కథానాయికగా నటించగా, జీవీ ప్రకాష్ సంగీతం సమకూర్చారు.
I’m extremely happy to share the news of adopting 150 children and provide them with education as a new venture from rudhran audio launch. I need all your blessings #Serviceisgod 🙏🏼 pic.twitter.com/lSwns10Grs
— Raghava Lawrence (@offl_Lawrence) April 11, 2023
చదవండి: Test: మాధవన్, సిద్ధార్థ్, నయన్ క్రేజీ కాంబోలో మూవీ..టెస్ట్ మోషన్ పోస్టర్ రిలీజ్
