న్యూజిలాండ్ ప్రధానిగా ఉన్న జెసిండా ఆర్డెన్ గురువారం తన పదవికి రాజీనామా చేశారు. ఈ తరుణంలో కొత్త ప్రధానిగా క్రిస్ హిప్ కిన్స్ బాధ్యతలు స్వీకరించనున్నారు. న్యూజిలాండ్ అధికార లేబర్ పార్టీ ప్రతినిధులు ఆదివారం కొత్త ప్రధానిని ఎన్నుకున్నారు. దీంతో ఆ దేశానికి 41 ప్రధానిగా క్రిస్ హిప్ కిన్స్ నిలువనున్నారు. ప్రస్తుతం న్యూజిలాండ్ దేశం అధిక ద్రవ్యోల్బణాన్ని ఎదుర్కొంటోంది.
అంతేకాకుండా నిత్యావసర ధరలు కూడా అధికంగా ఉన్నాయి. ఈ సమస్యలతో పాటుగా శాంతిభద్రతలపై కూడా దృష్టి సారిస్తానని కొత్త ప్రధాని క్రిస్ హిప్ కిన్స్ తెలిపారు. బుధవారం 25వ తేదిన కొత్త ప్రధాని తన బాధ్యతలను స్వీకరించనున్నారు. ఇకపోతే ఈ ఏడాది అక్టోబర్ 14వ తేదిన న్యూజిలాండ్ లో సార్వత్రిక ఎన్నికలు నిర్వహించనున్నారు.
