RRR తర్వాత సాలిడ్ లైనప్ సెట్ చేసుకున్నాడు యంగ్ టైగర్ ఎన్టీఆర్(jr ntr). ప్రస్తుతం కొరటాల శివ దర్శకత్వంలో ఎన్టీఆర్ 30 ప్రాజెక్ట్ చేస్తున్నాడు. ఇప్పటికే రెండు యాక్షన్ షెడ్యూల్స్ కంప్లీట్ చేసుకుంది ఎన్టీఆర్ 30. జనతా గ్యారేజ్ తర్వాత కొరటాల, ఎన్టీఆర్ చేస్తున్న ప్రాజెక్ట్ కావడంతో.. అంచనాలు భారీగా ఉన్నాయి. ఈ సినిమాలో బాలీవుడ్ బ్యూటీ జాన్వీ కపూర్ హీరోయిన్‌గా నటిస్తోంది. నెక్స్ట్ ఇయర్ సమ్మర్ కానుకగా.. ఏప్రిల్ 5న ఎన్టీఆర్ 30 రిలీజ్ కానుంది.
ఇక ఈ సినిమా తర్వాత కెజియఫ్ డైరెక్టర్ ప్రశాంత్ నీల్‌తో ఎన్టీఆర్ 31(ntr 31) ప్రాజెక్ట్ చేయనున్నాడు తారక్(NTR). ఇప్పటికే అఫీషియల్ అనౌన్స్మెంట్ ఇచ్చేశారు. ప్రజెంట్ ప్రభాస్ ‘సలార్’ మూవీతో బిజీగా ఉన్నాడు ప్రశాంత్ నీల్. సెప్డెంబర్ 28న సలార్ రిలీజ్ కానుంది. ఆ తర్వాత ఎన్టీఆర్ 31 పై పూర్తిగా ఫోకస్ చేయనున్నాడు ప్రశాంత్ నీల్. దానికి ఇంకా చాలా సమయం ఉంది. కానీ అప్పుడే ఎన్టీఆర్ 31 స్టార్ క్యాస్టింగ్ గురించి చర్చ జరుగుతోంది.
ఇది కూడా చూడండి: Prabhas: హ్యాండ్ ఇచ్చాడా? ఆ భారీ ప్రాజెక్ట్ ఆగిపోయిందా!?
గతంలో ఓ స్టార్ హీరోని విలన్‌గా తీసుకునేందుకు ప్రశాంత్ నీల్(prashanth neel) ట్రై చేస్తున్నట్టు వినిపించింది. విక్రమ్, అమీర్ ఖాన్ పేర్లు కూడా వినిపించాయి. ఇక ఇప్పుడు హీరోయిన్‌గా ప్రభాస్ బ్యూటీని తీసుకోబోతున్నట్టు తెలుస్తోంది. బాహుబలి తర్వాత ప్రభాస్ నటించిన పవర్ ప్యాక్డ్ యాక్షన్ ఎంటర్టైనర్ ‘సాహో’ సినిమాలో.. శ్రద్దా కపూర్ హీరోయిన్‌గా నటించింది. ఆ తర్వాత మరో తెలుగు హీరోతో రొమాన్స్ చేయలేదు ఈ బ్యూటీ.
కానీ ఇప్పుడు ఎన్టీఆర్ సరసన శ్రద్ధా కపూర్(shraddha kapoor) ఫైనల్ అయిందంటూ పుకార్లు షికార్లు చేస్తున్నాయి. అయితే ఆ మధ్యలో దీపికా పదుకోనే ఓకే అయిందనే టాక్ నడిచింది. ఇప్పుడు మళ్లీ హీరోయిన్ గురించి రూమర్స్ వస్తున్నాయి. ఈ సినిమాలో హీరోయిన్ పాత్ర చాలా కీలకం అని తెలుస్తోంది.
అందుకే స్టార్ బ్యూటీని తీసుకోవాలని భావిస్తున్నాడట ప్రశాంత్ నీల్. ఈ క్రమంలోనే బాలీవుడ్ బ్యూటీల పేర్లు తెరపైకి వస్తున్నాయి. అయితే.. ఇందులో నిజం ఎంతో తెలియాలంటే.. ఇంకొన్ని రోజులు వెయిట్ చేయాల్సిందే.
ఇది కూడా చూడండి: Prabhas: హ్యాండ్ ఇచ్చాడా? ఆ భారీ ప్రాజెక్ట్ ఆగిపోయిందా!?
