బుధవారం లండన్లోని కెన్నింగ్‌టన్ ఓవల్ స్టేడియంలో ప్రారంభమైన వరల్డ్ టెస్ట్ ఛాంపియన్స్ (WTC) ఫైనల్‌లో ఆస్ట్రేలియా(australia)తో జరిగిన మ్యాచ్‌లో భారత కెప్టెన్ రోహిత్ శర్మ టాస్ గెలిచి మొదట బౌలింగ్ ఎంచుకున్నాడు. ఈ క్రమంలో మొదటి రోజు ఆస్ట్రేలియా మూడు వికెట్ల నష్టానికి 327 పరుగులు చేసింది. మహ్మద్ సిరాజ్ ఉస్మాన్ ఖవాజాను 0 పరుగులకే కట్టడి చేయడంతో భారత్ రోజును బలంగా ప్రారంభించింది. కానీ రెండో సెషన్‌లో పాట్ కమ్మిన్స్ అండ్ కో 76/3తో కుప్పకూలిన తర్వాత నాలుగో వికెట్‌కి కీలక భాగస్వామ్యాన్ని కుదుర్చుకున్నారు.
ఆ క్రమంలో డేవిడ్ వార్నర్ 43(60), ఉస్మాన్ ఖవాజా 0 (10), మార్నస్ లాబుస్చాగ్నే 26 (62), స్టీవ్ స్మిత్* 95 (227), ట్రావిస్ హెడ్* 146 (156) పరుగులు చేసి కీలక సపోర్ట్ ఇచ్చారు. దీంతో స్మిత్ హెడ్‌ల భారీ భాగస్వామ్యంతో ఆస్ట్రేలియా 85 ఓవర్లలో 327/3కి చేరుకుంది.
ఇక బౌలింగ్ చేసిన భారత(indian team) జట్టులో మహ్మద్ షమీ 1/77 (20), మహ్మద్ సిరాజ్ 1/67 (19), ఉమేష్ యాదవ్ 0/54 (14), శార్దూల్ ఠాకూర్ 1/75 (18), రవీంద్ర జడేజా 0/48 (14) ఉన్నారు. కానీ వికెట్లు పడగొట్టడం కోసం మనోళ్లు తీవ్రంగా శ్రమించినా కూడా ఫలితం లేకుండా పోయింది. బంతిని మార్చినప్పటికీ కొత్త బంతి నుంచి భిన్నమైన ఫలితాల లభించలేదు.
ఇది కూడా చూడండి: MS Dhoni-LGM Teaser : ధోని ప్రొడక్షన్‌లో తెరకెక్కిన మొదటి సినిమా..టీజర్ రిలీజ్
