హైదరాబాద్ జూబ్లీ హిల్స్‌లోని ఓ పబ్లో సంచలన విషయం వెలుగులోకి వచ్చింది. Xora నైట్ క్లబ్లో ఏకంగా వైల్డ్ లైఫ్ జంతువులను బంధించారు. అంతేకాదు ఆ వన్యప్రాణుల సమక్షంలో పబ్ నిర్వహిస్తున్నారు. ఆ దృశ్యాలను ఓ వ్యక్తి వీడియో తీసి ఫుటేజ్ ను సోషల్ మీడియాలో పోస్ట్ చేయగా..హైదరాబాద్ మున్సిపల్ అడ్మినిస్ట్రేషన్, అర్బన్ డెవలప్‌మెంట్ (MA&UD) స్పెషల్ చీఫ్ సెక్రటరీ అరవింద్ కుమార్ చూసి వెంటనే స్పందించారు.
ఈ విషయాన్ని పరిష్కరించడానికి ట్విట్టర్‌లో అధికారులను ట్యాగ్ చేసి @TelanganaDGP @CVanandIPS @TelanganaCOPs, PCCFతో చర్చిస్తున్నట్లు వెల్లడించారు. ఇది అత్యంత అవమానకరమైన, దిగ్భ్రాంతికరమైన చర్య అంటూ అరవింద్ కుమార్ పేర్కొన్నారు. ఇది చూసిన పలువురు నెటిజన్లు అటువంటి వాతావరణంలో జంతువులను బంధించడమెంటని ప్రశ్నిస్తున్నారు. స్పష్టంగా అవి వాటి సహజ ఆవాసాలకు దూరంగా ఉన్నట్లు వీడియోలో కనిపిస్తుంది.
ఈ మెసేజ్‌తో అప్రమత్తమైన జూబ్లీహిల్స్ పోలీసులు ప్రాథమిక విచారణ జరిపారు. అయితే ఆదివారమే జంతువులను ప్రదర్శనకు ఉంచినట్లు సంస్థ నిర్వాహకులు తెలిపారు. ఓల్డ్ సిటీలోని ఓ వ్యక్తి నుంచి వాటిని సేకరించామని నిర్వాహకులు పోలీసులకు చెప్పారు. సైబరాబాద్‌ కమిషనరేట్‌ పరిధిలోని మరో పబ్‌కు కూడా అదే వ్యక్తి జంతువులను సరఫరా చేసినట్లు పోలీసులు గుర్తించారు. ఈ ఘటనపై అటవీశాఖకు సమాచారం అందించి, పబ్‌పై చర్యలు తీసుకునేందుకు న్యాయపరమైన అవకాశాలను కూడా అన్వేషిస్తామని వెల్లడించారు.
Taking it up with @TelanganaDGP @CVAnandIPS @TelanganaCOPs and PCCF
The audacity is shameful & shocking https://t.co/JADNkZLMAL
— Arvind Kumar (@arvindkumar_ias) May 29, 2023
ఇది కూడా చూడండి: Etela rajender: పొంగులేటి, జూపల్లి బీజేపీలోకి రారు!
