ATP: గుంతకల్లులోని S.S ట్యాంకును మున్సిపాలిటీ అధికారులతో కలిసి మండల ఇంఛార్జ్ నారాయణస్వామి పరిశీలించారు. ఇటీవల ట్యాంకు ద్వారా వచ్చే త్రాగునీరు ఎర్రగా కనిపిస్తుందని ప్రజలు ఆందోళన వ్యక్తం ఆయన నేపథ్యంలో ట్యాంకు నీటిని పరిశీలించారు. నీటి రంగు మారడాన్ని ఎండల తీవ్రత, శుభ్రపరిచే ప్రక్రియలో ఉపయోగించే క్లోరిన్ అని అధికారులు వారికి వివరించారు.
CTR: పులిచెర్ల మండల కేంద్రంలో గతేడాది నూతనంగా నిర్మించిన ఎల్లమ్మ అమ్మవారి ఆలయంలో బుధవారం మొదటి వార్షికోత్సవం వేడుకలు ఘనంగా నిర్వహించారు. ఈ కార్యక్రమానికి మాజీ మంత్రి, పుంగనూరు ఎమ్మెల్యే పెద్దిరెడ్డి రామచంద్రారెడ్డి పాల్గొని ప్రత్యేక పూజలు చేశారు. ఆలయానికి విచ్చేసిన వీరికి ఆలయ ఛైర్మన్ మురళీమోహన్ రెడ్డి, వైసీపీ నాయకులు ఘన స్వాగతం పలికారు.
ప్రకాశం: మార్కాపురం పట్టణంలోని చెన్నకేశవ నగర్లో మంగళవారం రాత్రి భారీ చోరీ జరిగింది. తిప్పిరెడ్డి అనే వ్యక్తికి చెందిన ఇంటిలో దొంగలు చోరీకి పాల్పడి బంగారు ఆభరణాలతో పాటు రూ.25 వేలు నగదు అపహరించారు. వ్యక్తిగత పనులపై వేరే ప్రాంతానికి వెళ్ళిన క్రమంలో చోరీ జరిగింది. విషయాన్ని బుధవారం బాధితుడు గుర్తించి పోలీసులకు ఫిర్యాదు చేశాడు.
ఏలూరు ఆర్ఆర్ పేట వద్ద వాటర్ ట్యాంకర్ బోల్తా పడింది. డ్రైవర్ అతివేగంగా నడపడం వల్ల ప్రమాదం జరిగినట్టు స్థానికులు భావిస్తున్నారు. నూతనంగా కొనుగోలు చేసిన ట్యాంకర్లను అనుభవం లేని డ్రైవర్ల చేతిలో పెట్టడంపై విమర్శలు గుప్పిస్తున్నారు. ఇదే ప్రమాదం రహదారిపై జరిగి ఉంటే నష్టం ఊహించడం కష్టం అని పేర్కొన్నారు. దీనిపై కార్పొరేషన్ అధికారులు విచారణ చేపట్టారు.
తిరుపతి నగరంలో అంతర్జాతీయ నృత్య దినోత్సవ వేడుకలు అత్యంత వైభవంగా జరిగాయి. రాయలసీమ రంగస్థలి ఆధ్వర్యంలో జరిగిన ఈ కార్యక్రమంలో కళాకారులు ఉత్సాహంగా పాల్గొన్నారు. జాతీయ అవార్డు గ్రహీత, ప్రముఖ భరతనాట్యం కళాకారిణి కడియాల వాణి చంద్రను రాయలసీమ రంగస్థలి ఛైర్మన్ గుండాల గోపీనాథ్ రెడ్డి ఘనంగా సత్కరించి, స్మారక చిహ్నాన్ని అందజేశారు.
WG: డీజిల్ కొరత, రవాణా ఖర్చుల పెరుగుదల ప్రభావంతో ఆకివీడులో కూరగాయల ధరలు బుధవారం కొండెక్కాయి. పంట దిగుబడి తగ్గడంతో మార్కెట్లో వంకాయ రూ. 80, బీరకాయ, బెండ రూ. 70, టమాటా రూ. 60గా విక్రయిస్తున్నారు. ములక్కాడ ఒకటి రూ.10 పలుకుతోంది. రోజురోజుకీ పెరుగుతున్న ధరలతో ఇబ్బందులు పడుతున్నట్లు వినియోగదారులు అరోపిస్తున్నారు.
NTR: చందర్లపాడు మండలం తుర్లపాడు గ్రామంలో బడే హజరత్ తిరునాళ్లు ఘనంగా జరిగాయి. కంచికచర్ల మండలం పెండ్యాల నుంచి సుమారు 700 జతల ఎడ్లబండ్లతో ముస్లిం కుటుంబాలు దర్గాకు చేరుకుని సంప్రదాయంగా పండుగ జరుపుకున్నారు. భక్తుల రద్దీ అధికంగా ఉండడంతో నందిగామ రూరల్ సీఐ చవాన్ ఆధ్వర్యంలో ప్రత్యేక బందోబస్తు ఏర్పాటు చేసి శాంతిభద్రతలు కట్టుదిట్టం చేశారు.
NDL: నంద్యాల మున్సిపల్ స్టాండింగ్ కౌన్సిల్ సభ్యునిగా నియమితులైన అడ్వకేట్ ప్రసాద్ రెడ్డి బుధవారం మంత్రి ఎన్ఎండి ఫరూక్ను మర్యాదపూర్వకంగా కలిశారు. ఈ సందర్భంగా ఫరూక్కు కృతజ్ఞతలు తెలిపారు. మున్సిపాలిటీ అభివృద్ధి, న్యాయపరమైన అంశాల్లో తన వంతు సేవలు అందిస్తానని ప్రసాద్ రెడ్డి పేర్కొన్నారు. మంత్రి అభినందిస్తూ బాధ్యతలను సమర్థంగా నిర్వహించాలని సూచించారు.
KRNL: టీడీపీ నూతన కార్యవర్గ కమిటీ ప్రమాణ స్వీకార కార్యక్రమం ఇవాళ ఘనంగా జరిగింది. ఈ కార్యక్రమానికి ఆలూరు నియోజకవర్గ టీడీపీ ఇంఛార్జ్ వైకుంఠం జ్యోతి సహా పలువురు పార్టీ నేతలు హాజరయ్యారు. నూతన కార్యవర్గ సభ్యులు పార్టీ బలోపేతానికి కృషి చేస్తామని ప్రమాణం చేశారు. ఈ సందర్భంగా నాయకులు భవిష్యత్ కార్యాచరణపై దిశానిర్దేశం చేస్తూ, ఐక్యతతో ముందుకు సాగాలన్నారు.
VSP: TDP రాష్ట్ర అధ్యక్షుడిగా గాజువాక ఎమ్మెల్యే పల్లా శ్రీనివాసరావు బుధవారం ప్రమాణ స్వీకారం చేశారు. మంగళగిరిలోనే పార్టీ కేంద్ర కార్యాలయంలో ముఖ్యమంత్రి నారా చంద్రబాబు నాయుడు, విద్యాశాఖ మంత్రి నారా లోకేష్ ఆయన చే ప్రమాణస్వీకారం చేయించారు. పార్టీకి విధేయుడుగా ఉంటానని, క్రమశిక్షణ అంటేనే TDP అని పల్లా ఈ సందర్భంగా అన్నారు.
TPT: శ్రీకాళహస్తీశ్వర స్వామి వారి దేవస్థానంలో ఒక సంవత్సరం పాటు సద్యోధర్మ దీక్షను ఆచరించిన 20 మంది వృద్ధ బ్రాహ్మణులను ఆలయ ఛైర్మన్ కొట్టేసాయి ప్రసాద్ గౌరవార్థంగా శాలువాతో సత్కరించారు. ఈ సందర్భంగా ఆలయ పండితులు వారికి వేద ఆశీర్వచనం చేసి అమ్మవార్ల చిత్రపటం, తీర్థప్రసాదాలు అందజేశారు. ఈ కార్యక్రమంలో ఆలయ సిబ్బంది, సంబంధిత అధికారులు పాల్గొన్నారు.
ప్రకాశం: కంభం పట్టణంలో బుధవారం నిర్వహించిన స్వచ్ఛరథం కార్యక్రమంలో ఎంపీడీవో వీరభద్రాచారి పాల్గొన్నారు. ఈ సందర్భంగా గ్రామంలోని పరిశుభ్రత, పారిశుద్ధ్యంపై ప్రత్యేక దృష్టి పెట్టాలని సూచించారు. ప్రజలు తమ పరిసరాలను శుభ్రంగా ఉంచుకోవాలని, వ్యర్థాలను ఎక్కడ పడితే అక్కడ వేయకుండా జాగ్రత్తలు తీసుకోవాలని అవగాహన కల్పించారు.
VZM: బొబ్బిలి మండలం పారాది గ్రామంలో బీసీ బాలుర వసతి గృహాన్ని, ఎమ్మెల్యే బేబీ నాయనతో కలిసి జిల్లా కలెక్టర్ ఎస్. రాంసుందర్ రెడ్డి బుధవారం ప్రారంభించారు. విద్యార్థులకు తల్లితండ్రులు ఇచ్చే గొప్ప ఆస్తి చదువేనని కలెక్టర్ ఉద్ఘాటించారు. ఏ ఒక్క విద్యార్థి కూడా చదువుకు దూరం కాకుండా చూడాలని కలెక్టర్ పిలుపునిచ్చారు. ఈ కార్యక్రమంలో నాయకులు, సిబ్బంది పాల్గొన్నారు.
పల్నాడు (D) రెంటచింతల మండలానికి చెందిన ఓ వివాహితపై విశాఖ ఎక్స్ప్రెస్లో అత్యాచారానికి పాల్పడిన ఘటన ఆలస్యంగా వెలుగులోకి వచ్చింది. జీవనోపాధి కోసం విశాఖలో ఉంటున్న మహిళ, తన భర్తతో కలిసి ఈ నెల 26న విశాఖ ఎక్స్ప్రెస్లో నడికుడికి బయలుదేరింది. జనరల్ బోగీలో ప్రయాణిస్తున్న ఆమెను ఓ వ్యక్తి AC బోగీలోకి తీసుకెళ్లి అత్యచారం చేసినట్లు సమాచారం.
ATP: పామిడిలో పాండురంగస్వామి మహాకుంభ సంప్రోక్షణ, హింగుళాంబిక మాత ప్రతిష్ఠా మహోత్సవాలు అత్యంత వైభవంగా జరిగాయి. ఈ కార్యక్రమానికి మాజీ ఎంపీ తలారి రంగయ్య హాజరై ప్రత్యేక పూజలు నిర్వహించారు. ఆలయ కమిటీ ఆయనకు సాదర స్వాగతం పలికి తీర్థప్రసాదాలు అందజేసింది. ఇలాంటి ఆధ్యాత్మిక కార్యక్రమాల వల్ల గ్రామాల్లో భక్తిభావం, ఐక్యత పెంపొందుతాయని రంగయ్య పేర్కొన్నారు.
