వైసీపీ ఎమ్మెల్యే ఆళ్ల రామకృష్ణ పార్టీ మారుతున్నారంటూ ఇటీవల ప్రచారం మొదలైంది. ముఖ్యమంత్రి జగన్మోహన్ రెడ్డి నిర్వహించిన సమీక్షా సమావేశానికి ఆర్కే హాజరు కాకపోవడంతో… ఆయన పార్టీ వీడుతున్నారంటూ వార్తలు రావడం మొదలయ్యాయి. ఈ క్రమంలో ఈ వార్తలపై ఆయన స్పందించారు.
తాను రాజకీయాల్లో ఉంటే జగన్ తోనే ఉంటా..లేదంటే వ్యవసాయం చేసుకుంటా అని అన్నారు. పార్టీకి తనకు గ్యాప్ వచ్చిందన్న ప్రచారాన్ని పూర్తిగా ఖండిస్తున్నట్లు తెలిపారు. తనకు అనారోగ్యం కారణం వల్లే నిన్నటి సమీక్ష సమావేశానికి హాజరు కాలేకపోయానని చెప్పారు. అయితే ఈ విషయం అధిష్టానం దృష్టికి తీసుకొచ్చానని..అయినా కానీ ఇలాంటి వార్తలు ఎలా వస్తున్నాయో తెలీదన్నారు. తాను పార్టీ మారే ప్రసక్తే లేదని.. తమ బాస్ జగన్ అని పేర్కొన్నారు. ఆయన ఏం చెబితే అదే ఫైనల్ అని అన్నారు.
