స్కిల్‌ డెవలప్‌మెంట్‌ స్కామ్ కేసులో టీడీపీ అధినేత చంద్రబాబు రిమాండ్‌ను ఏసీబీ కోర్టు పొడిగిస్తున్నట్లు ప్రకటించింది. అక్టోబర్ 19వ తేది వరకూ పొడిగిస్తూ ఆదేశాలిచ్చింది. దీంతో మరో 14 రోజుల వరకూ చంద్రబాబు రిమాండ్‌లో ఉండాల్సి ఉంటుంది. గురువారం ఏసీబీ కోర్టు ముందుకు వర్చువల్‌గా చంద్రబాబు హాజరవ్వగా ఇరువురి లాయర్లు తమ వాదనలు వినిపించారు.
చదవండి: Varma: 25 రోజులుగా జైలులో బాబు.. ఏం చేస్తున్నారో చెప్పగలరా అంటూ పోస్ట్
మరో వైపు చంద్రబాబు దాఖలు చేసిన బెయిల్ పిటిషన్‌, సీఐడీ దాఖలు చేసిన కస్టడీ పిటిషన్‌పై విచారణ రేపటికి కోర్టు వాయిదా వేసింది. శుక్రవారం మధ్యాహ్నం ఇరుపక్షాల వాదనలు వింటామని ఏసీబీ కోర్టు వెల్లడించింది. ఆ రెండు పిటిషన్లపై రెండు రోజులపాటు సుదీర్ఘంగా వాదనలు జరగ్గా చంద్రబాబు తరపున సుప్రీంకోర్టు న్యాయవాది ప్రమోద్‌ కుమార్‌ దూబే, సీఐడీ తరపున అదనపు ఏజీ పొన్నవోలు సుధాకర్‌రెడ్డి తమ వాదనలను కోర్టుకు వినిపించారు. ఈ విచారణను శుక్రవారానికి వాయిదా వేస్తున్నట్లు కోర్టు తెలిపింది.
చదవండి: Tomato Prices: 30 పైసలకు చేరిన కిలో టమోటా..కన్నీళ్లు పెడుతోన్న రైతులు!
