సినీ ఇండస్ట్రీలో వరుస విషాదాలు చోటుచేసుకుంటున్నాయి. ఫేమస్ డబ్బింగ్ ఆర్టిస్ట్ అయిన శ్రీనివాస మూర్తి శుక్రవారం మరణించడంతో సినీ ప్రముఖులు సంతాపం తెలిపారు. చెన్నైలో ఆయన గుండెపోటుతో మరణించారు. యూకేలో ఉన్న కుమారుడు వచ్చాక ఆయన అంత్యక్రియలు నిర్వహించనున్నట్లు కుటుంబీకులు తెలిపారు. హీరోలు సూర్య, తల అజిత్, విక్రమ్, మోహన్ లాల్, విక్రమ్, రాజశేఖర్ వంటి అనేక మంది ప్రముఖ దక్షిణ భారత నటులకు ఆయన తన గాత్రాన్ని అందించారు.
This is a huge personal loss! Srinivasamurthy Garu’s voice & emotions gave life to my performances in Telugu. Will miss you Dear Sir! Gone too soon.
— Suriya Sivakumar (@Suriya_offl) January 27, 2023
బేస్ వాయిస్‌తో ఆయన చెప్పే డైలాగ్స్ హీరోలకు బాగా సూట్ అయ్యాయి. ముఖ్యంగా సూర్య నటించిన సింగం సిరీస్ మొత్తానికి హీరో పాత్రకు శ్రీవివాస మూర్తి తన వాయిస్ ను అందించారు. శ్రీనివాస మార్తి మరణంపై తమిళ హీరో సూర్య దిగ్బ్రాంతి వ్యక్తం చేశారు. సూర్య ఓ ఎమోషనల్ పోస్ట్ ను ట్విటర్ లో షేర్ చేశారు. సూర్య స్పందిస్తూ “శ్రీనివాసమూర్తి గారి మరణం తనకు పర్సనల్ లాస్ అని, ఆయన వాయిస్, ఎమోషన్స్ నేను చేసిన పాత్రలకు తెలుగులో ప్రాణం పోశాయి. మిస్ యూ సర్” అని సూర్య పోస్టు చేశారు. ప్రస్తుతం ఆయన ట్వీట్ వైరల్ అవుతోంది.
