Geminid Meteor Shower Of 2023 Continues Tonight
Meteor Shower: ఆకాశంలో అద్భుతం ఆవిష్కృతం కానుంది. ఈ రోజు నుంచి 5 రోజుల పాటు.. రాత్రి 9 గంటల నుంచి తెల్లవారుజామున 5 గంటల వరకు మిరుమిట్లు గొలిపే కాంతితో ఉల్కలు జారిపడతాయి. వాటిని నేరుగా చూడొద్దని ప్లానేటరీ సొసైటీ ఆఫ్ ఇండియా హైదరాబాద్ డైరెక్టర్ రఘునందన్ కుమార్ చెబుతున్నారు. పాథియాన్ అనే గ్రహశకలం సూర్యుడి చుట్టూ తిరిగే సమయంలో కొన్ని నెలల క్రితం భూకక్ష్యలోకి ప్రవేశించింది. మరికొన్ని పదార్థాలతో కలిసి రాపిడికి గురై చిన్న ఉల్కలుగా రాలి పడుతుంది. ఉల్కలుగా (Meteor Shower) రాలి పడే సమయంలో కాంతి ఎక్కువ కనిపిస్తోందని అంతర్జాతీయ ఉల్కాపాత సంస్థ తెలిపింది. ఉల్కాపాతాన్ని గ్రామీణ ప్రాంతాలతోపాటు పట్టణాల్లో నేరుగా చూడొచ్చని తెలిపింది. ఉల్కాపాతాన్ని వీక్షించేవారు ఫొటో, వీడియోలు తీయాలని కోరింది. ఐఎంవో వెబ్ సైట్‌లో అప్ లోడ్ చేసే వెసులుబాటు కూడా ఉందని చెబుతోంది.
