అపార్ట్‌మెంట్ లోని లిఫ్ట్‌లో ఇరుక్కుని నాలుగేళ్ల బాలుడు మృతిచెందిన సంఘటన హైదరాబాద్ లోని ఎల్బీనగర్‌లో చోటుచేసుకుంది. ఆర్టీసీ కాలనీలో ఉప్పలాస్ రెసిడెన్సీ అపార్ట్‌మెంట్‌ను నిర్మించారు. ఆ అపార్ట్‌మెంట్‌కు నాగరాజు అనే వ్యక్తి వాచ్‌మెన్‌గా పనిచేస్తున్నాడు. నాగరాజు, అనురాధ దంపతులకు అక్షయ్ అనే నాలుగేళ్ల కొడుకు ఉన్నాడు. అక్షయ్ అపార్ట్‌మెంట్ వద్దకు వెళ్లి ఆడుకుంటూ ఉండగా లిఫ్ట్ దగ్గరికి వెళ్లాడు. ప్రమాదవశాత్తూ ఆ బాలుడు లిఫ్ట్‌లో ఇరుక్కున్నాడు.
చదవండి: Car accident: కేంద్రమంత్రి ప్రహ్లాద్ పటేల్ కారుకు ప్రమాదం
ఈ క్రమంలో అక్షయ్ అరుపులు విన్న తల్లిదండ్రులు అక్కడికి పరుగెత్తుకుని వెళ్లారు. లిఫ్ట్‌లో ఇరుక్కున్న ఈ బాలుడ్ని బయటకు తీశారు. వెంటనే అక్షయ్‌ని ఆస్పత్రికి తీసుకెళ్లారు. ఆస్పత్రిలో చికిత్స పొందుతూ ఆ బాలుడు మరణించాడు. 20 రోజులకు ముందే నాగరాజు వాచ్‌మెన్‌గా పనిలోకి చేరాడు. ఈ మధ్యే లిఫ్ట్ కూడా పనిచేయకుండా ట్రబుల్ ఇవ్వడంతో అక్కడే తన కుమారుడు ప్రాణాలు కోల్పోయాడు. దీంతో ఆ తల్లిదండ్రులకు తీరని విషాదాన్ని నింపింది. కుమారుడు కళ్ల ముందే విగతజీవిగా మారాడని తెలియడంతో ఆ తల్లిదండ్రులు గుండెలవిసేలా రోధించారు.
చదవండి: Breakig News : చత్తీస్‌గఢ్‌లో బాంబు పేలుడు..పోలింగ్ ప్రారంభమైన గంటలోనే ఘటన
బాలుని మృతి చెందిన విషయాన్ని తెలుసుకున్న పోలీసులు మృతదేహాన్ని పోస్టుమార్టం నిమిత్తం ప్రభుత్వ ఆస్పత్రికి తరలించారు. అయితే బాలుడి మృతదేహాన్ని కనీసం తమ తల్లిదండ్రులకు కూడా చూపించకుండానే పోస్టుమార్టం చేయడంపై తల్లిదండ్రులు ఆవేదనను వ్యక్తం చేశారు. ఈ క్రమంలో ఆస్పత్రి వద్ద కొంత ఆందోళన నెలకొంది. బాలుడి మరణ వార్త ఆ కుటుంబంలో విషాదాన్ని నింపింది.
