సినీ ఇండస్ట్రీలో సాయిపల్లవి డ్యాన్స్‌కి విపరీతమైన ఫ్యాన్స్ ఉన్నారని చెప్పొచ్చు. ఇప్పటి వరకు సాయి పల్లవి ప్రేమమ్ మూవీతో తన కెరిర్‌ని మొదలుపెట్టిందని అందరూ అనుకున్నారు. కానీ దానికి ముందు సాయి పల్లవి కొన్ని చిన్నపాటి పాత్రలు కూడా చేసిందట. ఈ విషయం రీసెంట్ గా వైరల్ అవుతోంది.
చదవండి: Nayanthara: పిల్లల పుట్టినరోజు.. నయనతార ఎమోషనల్ పోస్ట్..!
ప్రస్తుతం కంగనా రనౌత్ ప్రధాన పాత్రలో చంద్రముఖి 2 సినిమా ప్రేక్షకుల ముందుకు వస్తున్న విషయం తెలిసిందే. ఈ సినిమాలో మొదట ఆ పాత్ర కోసం సాయి పల్లవిని ఎంచుకున్నారు. అయితే ఆమె నిరాకరించడంతో ఆ ఆఫర్‌ కంగనా చేతికి వెళ్లింది. ఈ క్రమంలోనే కంగనా హీరోయిన్‌గా నటించిన ఓ సినిమాలో సాయి పల్లవి చిన్న స్నేహితురాలి పాత్రలో నటించిందనే విషయం బయటకు వచ్చింది.
చదవండి: Salman Khan: టైగర్ వచ్చేస్తున్నాడు.. టీజర్ చూశారా..?
2008 భారతీయ తమిళ భాషా యాక్షన్ థ్రిల్లర్ చిత్రం ధామ్ ధూమ్. దివంగత జీవా రచన, చిత్రీకరణ, దర్శకత్వం వహించారు. ఇందులో జయం రవి, కంగనా రనౌత్, లక్ష్మీ రాయ్, జయరామ్ నటించారు. ఈ చిత్రం తమిళ చిత్ర పరిశ్రమలో కంగనా రనౌత్ అరంగేట్రం చేసింది. ఈ చిత్రంలో సాయి పల్లవి షెన్బా (కంగనా) స్నేహితురాలిగా నటించింది. ఆమె, షెన్బా, మరొక స్నేహితురాలితో కలిసి వారి గ్రామంలో అశ్లీల సినిమా చూడటానికి వెళ్ళే సన్నివేశం ఉంది. అయితే ఈ సినిమాలో సాయి పల్లవి పాత్ర అంతంత మాత్రమే. ఈ చిత్రానికి సంబంధించిన స్టిల్స్ ఇప్పుడు వైరల్ అవుతున్నాయి. ఆ స్టేజ్ నుంచి సాయి పల్లవి ఈ స్టేజ్ కి వచ్చిందా అని ఆమె పై ప్రశంసలు కురిపిస్తున్నారు.
