టాలీవుడ్ (Tollywood) హీరో పవర్ స్టార్ పవన్ కళ్యాణ్ (Power star pawan Kalyan) తనయుడు అకీరా నందన్ (Akira Nandan) గురించి సోషల్ మీడియాలో అనేక వార్తలు వైరల్ అవుతుంటాయి. ఆయన సోషల్ మీడియాలో యాక్టీవ్ గా ఉంటారు. అయితే ఆయన తన తండ్రిలాగే సినిమాల్లోకి వస్తారా? లేకుంటే వేరే రంగంలోకి వెళ్తారా? అనేది సర్వత్రా చర్చనీయాంశం అయ్యింది. అయితే తాజాగా వైరల్ అవుతోన్న ఓ వార్త అకీరా సినిమాల్లోకి వస్తాడని చెబుతోంది. అకీరా నందన్ అమెరికాలోని ఫిల్మ్ స్కూల్లో (America Film school) జాయిన్ అయ్యాడు.
చదవండి: Samantha: న్యూయార్క్‌లో భార‌త స్వాతంత్య్ర దినోత్స‌వ వేడుక‌లు..రాయల్ లుక్‌లో సమంత
అకీరా ఫిల్మ్ స్కూల్లో చేరిన విషయాన్ని దర్శకేంద్రుడు రాఘవేంద్రరావు (Director K.Raghavendra Rao) సోషల్ మీడియాలో వెల్లడించారు. ఈ మధ్యనే నార్వేలోని స్టావెంజర్‌లో బాహుబలి సినిమా ప్రదర్శితం అయ్యింది. ఆ కార్యక్రమానికి దర్శకుడు రాజమౌళి (Rajamouli), రాఘవేంద్రరావు, రేణూ దేశాయ్ వంటివారు వెళ్లారు. ఈ సందర్భంగా దర్శకుడు రాఘవేంద్రరావు తన మనవడు కార్తికేయ, అకీరా నందన్‌లతో కలిసి ఉన్న ఫోటోను షేర్ చేశారు.
చదవండి: Anushka Shetty: మిస్ శెట్టి మిస్టర్ పొలిశెట్టిలో అనుష్క రెమ్యూనరేషన్ ఎంతో తెలసా.?
నాలుగో తరం వారసులతో కలిసి నార్వేలో ఉన్నానని, తన మనవడు కార్తికేయ, పవన్ కళ్యాణ్ కుమారుడు అకీరా నందన్ ఇద్దరూ అమెరికాలోని ఫిల్మ్ స్కూల్లో చేరినట్లు రాఘవేంద్రరావు వెల్లడించారు. వాళ్లిద్దరితో కలిసి ఉన్న ఫోటోను రాఘవేంద్రరావు షేర్ చేశారు. అయితే కొంతసేపటికే ఆ ఫోటోను డిలీట్ చేసేశాడు. అప్పటికే కొందరు ఆ ఫోటోను స్క్రీన్ షాట్ తీసి తమ తమ ఖాతాల్లో పోస్టు చేయడంతో అదికాస్తా విపరీతంగా వైరల్ అవుతోంది. అకీరా ఇప్పటికే మార్షల్ ఆర్ట్స్, సంగీతంలో శిక్షణ పొందిన సంగతి తెలిసిందే.
