రజనీకాంత్(rajinikanth) జైలర్ సినిమాపై సినీ ప్రియుల్లో విపరీతమైన ఆసక్తి నెలకొంది. సినిమా ప్రమోషన్స్ అందరినీ ఆకర్షిస్తున్నాయి. ఇదిలా ఉంటే, ఈరోజు విడుదల కావాల్సిన పాపులర్ సాంగ్ కావాల(Kaavaalaa) తెలుగు వెర్షన్ భారీ వర్షాల కారణంగా రద్దు కావడంతో సినీ ప్రేమికులు నిరాశకు గురయ్యారు. ఈరోజు హైదరాబాద్‌లోని సీఎంఆర్ కాలేజీలో మధ్యాహ్నం 3 గంటలకు తమన్నా పాటను విడుదల చేయాలనుకున్నారు. కానీ హైదరాబాద్‌లో కురుస్తున్న భారీ వర్షాల కారణంగా ఈ ఈవెంట్‌ను రద్దు చేసినట్లు మేకర్స్ షేర్ చేశారు.
ఈ సినిమాలో తమన్నా(tamanna) కథానాయికగా నటిస్తోంది. ఇప్పటికే తమిళ వెర్షన్ పాట చాలా ప్రజాదరణ పొందింది. తెలుగు వెర్షన్ పాట ఈరోజు సాయంత్రం 4 గంటలకు ఆన్‌లైన్‌లో విడుదల కానుంది. ఈ చిత్రం ఆగస్టు 10, 2023న విడుదలవుతోంది. నెల్సన్ దిలీప్ కుమార్ దర్శకత్వం వహించిన ఈ చిత్రంలో రమ్య కృష్ణన్, మోహన్‌లాల్, జాకీ ష్రాఫ్, శివరాజ్‌కుమార్ ముఖ్య పాత్రల్లో నటించారు. ఈ చిత్రానికి సంగీతం అనిరుధ్ రవిచందర్ అందించారు. ఈరోజు సాయంత్రం ఈ చిత్రంలోని మూడో సింగిల్ జుజుబీని విడుదల చేసేందుకు మేకర్స్ సన్నాహాలు చేస్తున్నారు.
ఇది కూడా చూడండి: Pratinidhi 2: ‘ప్రతినిధి 2’ కాన్సెప్ట్ టీజర్..సమ్‌థింగ్ స్పెషల్‌
