ఏపీ ఆర్థిక మంత్రి(Ap Finance Minister) బుగ్గన రాజేంద్రనాథ్(Buggana Rajendranadh)కు పెను ప్రమాదం తప్పింది. ఆయన తేనెటీగల(Bees) దాడి నుంచి తప్పించుకుని ప్రమాదం నుంచి బయటపడ్డారు. నంద్యాల జిల్లా బేతంచెర్ల మండలం కనుమకింద కొట్టాలలో బుధవారం ఆయన పర్యటించారు. ఆ ప్రాంతంలో వివిధ అభివృద్ధి పనులను పరిశీలించేందుకు ఆయన ప్రతి గ్రామానికి పర్యటిస్తూ వస్తున్నారు.
చదవండి: CM Jagan: పవన్‌లా 4 పెళ్లిళ్లు చేసుకోలేం.. నాలుగేళ్లకోసారి భార్యలను మార్చలేం
ఈ పర్యటనలో మంత్రి బుగ్గన రాజేంద్రనాథ్(Buggana Rajendranadh) వెంట అధికారులు, వైసీపీ(YCP) నాయకులు, కార్యకర్తలు కూడా ఉన్నారు. కార్యక్రమంలో భాగంగా ఓ చెట్టు వద్ద నుంచి పనులను పరిశీలిస్తూ ఉన్నారు. అంతే ఒక్కసారిగా అక్కడున్నవారిపై తేనెటీగలు దాడి చేశాయి. ఈ దాడిలో 70 మంది వరకూ గాయాల పాలయ్యారు. అధికారులు బుగ్గనను అక్కడి నుంచి సురక్షిత ప్రాంతానికి తరలించారు. గాయపడ్డ వారికి స్థానిక ఆస్పత్రిలో చికిత్స అందించారు.
