ఇండియా(India)లో వరుస రైలు ప్రమాద ఘటనలు(Train accidents) చోటుచేసుకున్నాయి. ఒడిశా రైలు ప్రమాద ఘటన(odisa Train Incident) మరువక ముందే వరుస రైలు ప్రమాదాలు పలు చోట్ల జరుగుతున్నాయి. తాజాగా ఉత్తరప్రదేశ్ రాష్ట్రంలోని ఆగ్రా(Agra) సమీపంలో శనివారం ఓ గూడ్స్ రైలు(Goods Train) ట్రాక్టర్ ను ఢీకొని పట్టాలు తప్పింది. బన్సీపహార్ పూర్-రుప్ బాస్ రైలు సెక్షన్‌లో శనివారం ఉదయం ఈ ఘటన చోటుచేసుకుంది.
చదవండి: Hyderabad:లో హిజాబ్ లొల్లి..స్కూల్ యాజమాన్యంపై కేసు!
గూడ్స్ రైలు(Goods Train) ట్రాక్టర్ ను ఢీకొనడంతో పట్టాలు తప్పింది. ఈ ఘటనలో ఆరుగురు తీవ్రంగా గాయపడ్డారు. బీఎక్స్ఆర్ స్పెషల్ గూడ్స్ రైలుకు ఈ ప్రమాదం జరిగింది. ఈ ఘటనలో గాయపడిన వారిని ఆస్పత్రికి తరలించారు. యాక్సిడెంట్ రెస్టోరేషన్ రైలు ప్రమాద ప్రాంతానికి చేరుకుంది. ప్రస్తుతం గాయపడిన వారి పరిస్థితి బావుందని అధికారులు తెలిపారు.
చదవండి: UttarPradesh: పోలీసుల ఎన్ కౌంటర్..భయంతో బ్రిడ్జి మీదనుంచి దూకాడు
జూన్ 21న విజయనగరంలోనూ గూడ్స్ రైలు(Goods Train) పట్టాలు తప్పిన ఘటన జరిగింది. ఒడిశా రైలు ప్రమాదం(odisa Train Incident) తర్వాత తరచుగా గూడ్స్ రైళ్లు పట్టాలు తప్పుతున్నాయి. ఈ ప్రమాదం వల్ల పెద్ద నష్టమేమీ జరగలేదు. అయితే వరుస రైలు ప్రమాదాలు(Train accidents) చోటుచేసుకుంటూ ఉండటంతో రైల్వే ప్రయాణికులు(Train Passengers) ఆందోళన చెందుతున్నారు.
