ఇస్మార్ట్ శంకర్‌తో మాసివ్ హిట్ అందుకున్నాడు రామ్ పోతినేని(Ram pothineni). అదే జోష్‌లో రెండు సినిమాలు చేశాడు. అందులో రెడ్ మూవీ ఓటిటికే పరిమితం అవగా.. ది వారియర్ బాక్సాఫీస్ దగ్గర బోల్తా కొట్టేసింది. అందుకే ఇప్పుడు ఇస్మార్ట్ హీరోకి అర్జెంట్‌గా ఒక హిట్ కావాలి. అది కూడా ఊరమాస్ సబ్జెక్ట్‌ అయి ఉండాలి. అలాంటి హిట్ కావాలంటే.. బోయపాటి లాంటి మాస్ డైరెక్టర్ ఉండాల్సిందే.
అందుకే బోయపాటి(Boyapati srinivas)తో భారీ పాన్ ఇండియా ప్రాజెక్ట్ చేస్తున్నాడు రామ్. ఇంకా టైటిల్ ఫిక్స్ చేయని ఈ సినిమాను.. దసరా టార్గెట్‌గా రిలీజ్ చేసేందుకు రెడీ అవుతున్నారు. అయితే.. మే 15న రామ్ బర్త్ డే సందర్భంగా టీజర్‌ రిలీజ్ చేయ్యనున్నట్లు.. ఇటీవలె ప్రొడ్యూసర్ శ్రీనివాస్ చిట్టూరి అనౌన్స్ చేశాడు. అనుకున్నట్టే ఈ ప్రాజెక్ట్ నుంచి మాసివ్ ట్రీట్‌ని కన్ఫామ్ చేశారు మేకర్స్. రామ్ నుంచి ఒక ఊహించని మాస్ అవతార్ పోస్టర్‌ని రిలీజ్ చేశారు.
ఇది కూడా చూడండి: Anni manchi sakunamule: ప్రీ రిలీజ్ ఈవెంట్ ఫోటోలు
ఈ లుక్‌లో కాస్త చబ్బీగా కనపిస్తున్నాడు రామ్. గతంలో ఈ సినిమాలో ఓ క్యారెక్టర్ కోసం.. రామ్ వెయిట్ పెరుగుతున్నట్టు వార్తలొచ్చాయి. ఇప్పుడు దాన్ని నిజం చేస్తూ లేటెస్ట్‌ లుక్ రివీల్ చేశారు. ఇందులో క్యూట్‌గా ఉండే రామ్, పూర్తిగా బోయపాటి హీరోలా మారిపోయి.. గడ్డం పెంచి ఊరమాస్ లుక్‌లో కనిపిస్తున్నాడు. ఈ లుక్ చూసి రామ్(Ram pothineni) ఫ్యాన్స్ పండగ చేసుకుంటున్నారు.
కానీ ఇప్పటి వరకు స్లిమ్‌గా కనిపించిన రామ్.. ఇలా లావుగా కనిపించేసరికి ఫ్యాన్స్ కాస్త షాక్ అయ్యారు. బోయపాటి కోసం రామ్ మరీ ఇంతలా మారిపోవాలా అని కామెంట్స్ చేస్తున్నారు. ఇక ఈ సినిమా ఫస్ట్ థండర్ మే 15న ఉదయం 11 గంటల 25 నిమిషాలకి రిలీజ్ చేస్తున్నట్టుగా అనౌన్సమెంట్ చేశారు. మరి రామ్, బోయపాటి ఈ సినిమాతో ఎలాంటి హిట్ అందుకుంటారో చూడాలి.
ఇది కూడా చూడండి: Nayanatara: మదర్స్ డే రోజు తొలిసారి తన పిల్లల్ని చూపించిన నయనతార
