ఐపీఎల్ 2023)(ipl 2023) చాలా ఉత్కంఠంగా సాగుతుంది. శుక్రవారం గుజరాత్ టైటాన్స్(GT), రాజస్థాన్ రాయల్స్(RR) తలపడ్డాయి. ఈ మ్యాచ్ లో గుజరాత్ విజయ ఢంకా మోగించింది. ఈ మ్యాచ్‌లో టాస్ గెలిచి తొలుత బ్యాటింగ్ చేసిన రాజస్థాన్ జట్టు ఆశించిన స్కోరు చేయలేకపోయింది. ఓపెనర్లు జోస్ బట్లర్ (8), యశస్వి జైస్వాల్ (14) ఇద్దరూ పెద్దగా ఆకట్టుకోలేదు. మంచి ఫామ్‌లో ఉన్న జైస్వాల్ రనౌట్ అవడం ఈ మ్యాచ్ ఫలితాన్ని మార్చేసింది.
టాస్ గెలిచి తొలుత బ్యాటింగ్ చేసిన రాజస్థాన్ జట్టు.. గుజరాత్ టైటాన్స్ బౌలర్ల దాటికి 17.5 ఓవర్లలో 118 పరుగులకే ఆలౌట్‌ అయ్యింది. సారధి సంజూ శాంసన్ (30 పరుగులు, 20 బంతుల్లో, 3 ఫోర్లు, 1 సిక్స్) పర్వాలేదనిపించాడు. శాంసన్ మినహా మిగతా ఎవరూ రాణించలేదు. టోర్నీ మొదటి నుంచి మంచి ఫామ్‌లో ఉన్న యశస్వి జైశ్వాల్‌ కూడా తక్కువ పరుగులకే (14 పరుగులు, 11 బంతుల్లో, 1 ఫోర్, 1 సిక్స్) పెవిలియన్ చేరాడు. జోస్ బట్లర్ (8 పరుగులు) నిరాశపరిచాడు. 17వ ఓవర్ 5వ బంతికి అభినవ్‌ మనోహర్ అద్భుతమైన త్రో వేయడంతో ఆడమ్ జంపా (7) రనౌట్‌గా పెవిలియన్‌కు చేరాడు. దీంతో రాజస్థాన్ 118 పరుగులకు ఆలౌటైంది. గుజరాత్ ఎదుట 119 పరుగుల స్వల్ప లక్ష్యాన్ని ఉంచింది.
రాజస్థాన్(RR) జట్టు విధించిన 119 పరుగుల స్వల్ప లక్ష్యాన్ని చేధించే క్రమంలో గుజరాత్ టైటాన్స్ ఆది నుంచే దూకుడుగా ఆడింది. ఓపెనర్ వృద్ధిమాన్ సాహా 41* పరుగులు (34 బంతుల్లో, 5 ఫోర్లు) చేసి నాటౌట్‌గా నిలిచాడు. మరో ఓపెనర్ శుభ్‌మన్ గిల్ 36 పరుగులు (35 బంతుల్లో, 6 ఫోర్లు) చేశాడు. గిల్ ఔటైన తర్వాత క్రీజులోకి వచ్చిన గుజరాత్ కెప్టెన్ హార్దిక్ పాండ్యా.. వచ్చీ రాగానే బౌండరీలతో విరుచుకుపడ్డాడు. 15 బంతుల్లోనే 39 పరుగులు (3 ఫోర్లు, 3 సిక్స్‌లు) చేసి లాంఛనం పూర్తి చేశాడు.
ఇది కూడా చూడండి: KL Rahul: షాకింగ్.. ఐపీఎల్‌తో పాటు ఆ మ్యాచ్‌లకు కేఎల్ రాహుల్ దూరం
