సులభంగా డబ్బులు(Easy Money) సంపాదించాలనుకునేవారు అడ్డదార్లు తొక్కుతూ నేరాలకు పాల్పడుతున్నారు. దొంగలుగా మారి రెచ్చిపోతున్నారు. చైన్ స్నాచింగ్(Chain snaching) చేస్తూ చెలరేగిపోతున్నారు. మహిళల మెడలో నగలు కనిపిస్తే చాలు క్షణాల్లో కొట్టేసి చెక్కేస్తున్నారు. ఈ మధ్యకాలంలో తెలుగు రాష్ట్రాల్లో ఈ చైన్ స్నాచర్ల ఆగడాలు మితిమీరుతున్నాయి. తాజాగా ఏపీలోని అనంతపురంలో ఓ ఘటన చోటుచేసుకుంది.
మెడలోని గొలుసును దొంగిలించిన సీసీ కెమెరా వీడియో:
అనంతపురంలోని 5వ రోడ్డులో మారెక్క అనే మహిళ నివశించేది. గురువారం ఉదయం ఆమె తన ఇంటి ముందు వాకిలి ఊడుస్తోండగా పల్సర్ బైక్ పై ఇద్దరు యువకులు వచ్చారు. మారెక్క ముందు ఆగి అడ్రస్ కోసం చూస్తున్నట్లు నటించారు. కొంతసేపటికి ఏదో అడ్రస్ వివరాల కోసం మారెక్క దగ్గరికి వెళ్లి అడుగుతున్నట్లు నటించాడు. మారెక్క కూడా అతడు అడిగినదానికి సమాధానం ఇస్తోంది. ఇంతలో రోడ్డుపై జనాలు ఎవ్వరూ లేకపోవడంతో అతను ఒక్కసారిగా మారెక్క మెడలోని గొలుసును లాగి(Chain snaching) అక్కడి నుంచి పరారయ్యాడు.
చదవండి: Soldiers killed: ఆర్మీ వాహనంలో మంటలు.. ఐదుగురు సైనికులు మృతి
బైక్ ఎక్కిన ఇద్దరూ అక్కడి నుంచి క్షణాల్లోనే వెళ్లిపోవడంతో మారెక్క షాక్ అయ్యింది. మెడలోని గొలుసు(Chain) రెండు తులాలు ఉంటుందని పోలీసుల ఫిర్యాదులో పేర్కొంది. చైన్ స్నాచర్ల(chain snachers) వీడియో సీసీ కెమెరాల్లో రికార్డ్(CC Footage) అవ్వడంతో పోలీసులు వీడియో ఆధారంగా విచారణను ముమ్మరం చేస్తున్నారు. చైన్ స్నాచర్ల కోసం గాలింపు చర్యలు చేపట్టారు. ప్రస్తుతం సోషల్ మీడియాలో చైన స్నాచర్ల వీడియో వైరల్(Video Viral) అవుతోంది.
