రెబెల్ స్టార్ ప్రభాస్ అంటేనే భారీ చిత్రాలకు పెట్టింది పేరు… బాహుబలితో మొదలుకొని ఆయన స్థాయి శిఖరాలకు చేరింది. సినిమా కి పెట్టే ఖర్చు మాత్రమే కాకుండా వసూళ్ల విషయంలో కూడా ప్రభాస్ తన మార్క్ చూపిస్తూనే వస్తున్నాడు.
ఇక తాజాగా ఆన్లైన్ టిక్కెట్ సేల్స్ ప్రస్తావన రాగా… ప్రభాస్ మరొక్కసారి వార్తల్లో నిలిచాడు. రీసెంట్ బ్లాక్బస్టర్ కల్కి, బుక్ మై షో టిక్కెట్ సేల్స్ లో కోటి మార్కును చేరి కొత్త రికార్డు సృష్టించింది… ఇప్పటివరకు బుక్ మై షో లో అమ్ముడైన టిక్కెట్లు ఒక కోటి 3 లక్షలు పైమాటే అట.
కల్కి కంటే ముందు ఈ ఘనత సాధించిన సినిమా షారుఖ్ ఖాన్ జవాన్ మాత్రమే.. రణబీర్ కపూర్ యానిమల్ 99. 36 లక్షలు టిక్కెట్లతో తరువాత స్థానంలో ఉంది. ఇదే కాకుండా కేరళ , తమిళనాడులో కూడా కల్కితో ప్రభాస్ కొత్త రికార్డులు నమోదు చేసాడు. నాన్ కేరళ హీరోలలో కేరళలో 30 కోట్లు క్లబ్ లో ప్రభాస్ కి బాహుబలి 2, కల్కి రూపంలో రెండు సినిమాలు ఉన్నాయి. తమిళ హీరో విజయ్ కి లియో, రజినీకాంత్ కు జైలర్, యాష్ కు కేజీఎఫ్2 ఇలా ఒక్కో చిత్రం మాత్రమే ఉన్నాయి.
హిందీలో కల్కి సినిమా 250 కోట్ల మార్క్ ధాటి 300 కోట్ల నెట్ వైపు పరుగులు తీస్తున్న విషయం తెలిసిందే తెలిసిందే. ఫుల్ రన్ లో 325 కోట్ల వరుకు వసూలు చేయొచ్చని ట్రేడ్ వర్గాల అంచనా. తెలుగు రాష్ట్రాల్లో కూడా అన్ని మెయిన్ సెంటర్స్ లో కల్కి టాప్ 3 లో ఉంది. టాప్ 3 లో ప్రభాస్ రెండు సినిమాలు ఉండటం చెప్పుకోదగ్గ విషయం
మొత్తానికి ప్రాంతాలతో సంబంధం లేకుండా ప్రభాస్ సినిమాల పెర్ఫార్మన్స్ చూసి సినిమా వర్గాలు షాక్ అవుతున్నారు. తరువాత సందీప్ రెడ్డి వంగ దర్శకత్వంలో వచ్చే స్పిరిట్ పై బాలీవుడ్ బాక్స్ బద్దలవడం ఖాయంగా కనిపిస్తుంది
