Viral: ఇటీవల విమానాలు, రైళ్లలో జరిగిప పలు సంఘటనలు సోషల్ మీడియాలో తెగ వైరల్ అవుతున్నాయి. ముంబై లోకల్ ట్రైన్, ఢిల్లీ మెట్రోలో జరిగిన పోట్లాటలకు సంబంధించిన వీడియోలు ఈ మధ్య సోషల్ మీడియాలో తరచూ ప్రత్యక్షం అవుతున్నాయి. తాజాగా ముంబై లోకల్ ట్రైన్ వైరల్ వీడియోలో.. ఇద్దరు వ్యక్తులు ఒకరితో ఒకరు తీవ్ర వాగ్వివాదం చేస్తూ పట్టుబడ్డారు. దీనికి కారణం ఇప్పటికీ అస్పష్టంగా ఉంది. అయితే సీటు విషయంలోనే వివాదం తలెత్తినట్లు భావిస్తున్నారు. సాధారణంగా రద్దీగా ఉండే రైలు మధ్యలో వారు పోట్లాడుకోవడం, వాగ్వాదం చేసుకోవడం వీడియోలో కనిపిస్తుంది.
చదవండి:Air India-Vistara Merger: ముగిసిన విస్తారా శకం.. ఎయిర్ ఇండియాతో విలీన ఒప్పందానికి సీసీఐ ఆమోదం
అయితే ఈ గొడవ వల్ల మాత్రమే ఆ వీడియో వైరల్‌గా మారలేదు. సాధారణ ఢిల్లీ మెట్రో దృశ్యాలకు పూర్తి విరుద్ధంగా, వీక్షకులు తరచుగా ఇటువంటి సంఘటనల్లో ఎటువంటి జోక్యం లేకుండా చూస్తు ఉండి పోయారు. కానీ ముంబై లోకల్ ట్రైన్లో జరిగిన ఈ ఘటనలో ఓ వ్యక్తి జోక్యం చేసుకుని శాంతిని నెలకొల్పేందుకు ప్రయత్నించాడు. అందుకే ఈ వీడియో చాలా చర్చనీయాంశమైంది. వాగ్వాదం తర్వాత కొద్ది సెకన్ల పాటు ఇద్దరి మధ్య తోపులాట జరిగింది. ఆ తర్వాత ఓ యువకుడు మరాఠీలో మాట్లాడి ఇద్దరి మధ్యా జోక్యం చేసుకున్నాడు. ఆ మధ్య వచ్చిన వ్యక్తి వారిని మెల్లగా విడదీసి శాంతింపజేశాడు. తర్వాత ఇతర ప్రయాణికులు కూడా చేరారు. దీంతో ఆ వీడియో సోషల్ మీడియాలో జనాల దృష్టిని ఆకర్షించింది. చాలా మంది జోక్యం చేసుకున్న వ్యక్తిని అభినందించారు. మరికొందరు ఊహించినట్లుగానే ఈ సంఘటనను వినోదభరితంగా చూశారు.
Kalesh b/w Two Man inside Mumbai locals over seat issues pic.twitter.com/jx8RRrdAJn
— Ghar Ke Kalesh (@gharkekalesh) September 1, 2023
చదవండి:MS Dhoni Company: ధోనీ కంపెనీ నుంచి ఉద్యోగుల తొలగింపు.. ఖాతాబుక్ క్లోజ్
ఓ నెటిజన్ మధ్యలో వచ్చిన వ్యక్తిని ప్రశంసిస్తూ.. ‘పోరాటాన్ని ఆపిన ఏకైక వ్యక్తికి సెల్యూట్’ అని రాశారు. మరొకరు గౌరవం వ్యక్తం చేస్తూ, ‘దీనిని పరిష్కరించిన వ్యక్తికి నా సలాం, అతనిలాంటి వ్యక్తులు మాకు ఇంకా ఎక్కువ మంది కావాలి’ అని అన్నారు. దీనికి ముందు ముంబై లోకల్ రైలు మహిళల కోచ్ లోపల చెంపదెబ్బల వీడియోలు వెలుగులోకి వచ్చిన విషయం తెలిసిందే.
