Bathukamma 2023: బతుకమ్మ ఎందుకు జరుపుకుంటారో మీకు తెలుసా?

bathukamma-2023

Bathukamma 2023: బతుకమ్మ బతుకమ్మ ఉయ్యాలో.. బంగారు బతుకమ్మ ఉయ్యాలో” అంటూ పిల్లల నుంచి పెద్దల వరకు అందరూ కలిసి చేసుకునే బతుకమ్మ పండుగ ఈరోజు నుంచి మొదలువుతోంది. ఆశ్వయుజశుద్ధ అమావాస్య నాడు ప్రారంభమైన బతుకమ్మ పండుగను 9రోజులు పాటు ఘనంగా ఆట, పాటలతో జరుపుకుంటారు. తంగేడు, చామంతి, బంతి, అడవి గడ్డి, మందారం, రామబాణం, గుణుగు, గుమ్మడి వంటి ఎన్నో రకరకాల పూలను ఉపయోగించి బతకమ్మను తయారు చేస్తారు. తొలిరోజు ఎంగిలి పూలతో బతుకమ్మను ప్రారంభించి చివరిగా సద్దులపూల బతుకమ్మ రోజు నిమజ్జనం చేస్తారు. ఇంత వేడుకగా జరుపుకునే బతుకమ్మ పండుగ చరిత్ర ఏంటి? అసలు బతుకమ్మ అనే పేరు ఎలా వచ్చిందో? తెలుసుకుందాం.

ఇది కూడా చూడండి: Solar eclipse 2023: రేపటి సూర్యగ్రహణం స్పెషల్..ఆకాశంలో అద్భుత దృశ్యం

పూర్వం తెలంగాణ ప్రాంతాన్ని రాజరాజ చోళ పరిపాలించాడు. వీరి వద్ద వేములవాడ చాళుక్యులు సామంతులుగా ఉండేవారు. చోళరాజులు వేములవాడలో ఉన్న శ్రీ రాజ రాజేశ్వరి స్వామిని విశ్వసించేవారు. రాజరాజ చోళ తర్వాత వచ్చిన రాజేంద్ర చోళుడు కళ్యాణి చాళుక్య రాజైన సత్యాశ్రయుడిని యుద్ధంలో ఓడించి వేములవాడలోని రాజరాజేశ్వరి ఆలయాన్ని కూల్చేశాడు. ఇందులో ఉన్న భారీ శివలింగాన్ని రాజేంద్ర చోళుడు తన తండ్రికి బహుమతిగా ఇవ్వగా.. దానిని బృహదీశ్వరాలయంలో ప్రతిష్టించాడని తమిళ శాసనాల్లో చూడవచ్చు. వేములవాడలో పార్వతిసమేతుడై ఉన్న శివలింగాన్ని వేరుచేసి.. బృహదీశ్వరాలయంలో ప్రతిష్టంచడం తెలంగాణ ప్రజలను బాధ కలిగిస్తుంది. బృహదమ్మ(పార్వతి) నుంచి శివుని లింగాన్ని వేరు చేశారని వాళ్ల బాధను చోళ రాజులకు తెలియజేస్తారు. అప్పుడు పర్వతంలా పసుపు రంగు పూలతో గౌరమ్మను అమర్చి తొమ్మిది రోజులు పాటు బతుకమ్మ సంబరాలను జరుపుకోవడం ప్రారంభించారు. బృహదమ్మ పేరు నుంచి బతుకమ్మను తీసుకుని ఏటా 9రోజుల పాటు ఘనంగా తెలంగాణ ప్రజలు ఈ పండుగను జరుపుకుంటున్నారు.

ఇది కూడా చూడండి: Suicide : గ్రూప్‌-2 అభ్యర్థిని ఆత్మహత్య.. అశోక్‌నగర్‌లో హైటెన్షన్

బతుకమ్మకు తొమ్మిది రోజుల పాటు ఒక్కో నైవేద్యాన్ని సమర్పిస్తారు. మొదటి ఎనిమిది రోజుల నైవేద్యాన్ని ఎవరైనా చేస్తారు. కానీ చివరిరోజు సద్దుల బతుకమ్మ రోజు మహిళలు మాత్రమే నైవేద్యాన్ని తయారు చేస్తారు.

ఎంగిలి పూల బతుకమ్మ: మహా అమావాస్య రోజుతో బతుకమ్మ వేడుక మొదలవుతుంది. దీన్ని పెత్రామస అని కూడా అంటారు. నువ్వులు, బియ్యంపిండి, నూకలు కలిపి బతుకమ్మకు నైవేద్యంగా పెడతారు.

అటుకుల బతుకమ్మ : ఆశ్వయుజ శుద్ధ పాడ్యమి నాడు చేస్తారు. సప్పిడి పప్పు, బెల్లం, అటుకులతో నైవేద్యం తయారు చేసి అమ్మవారికి సమర్పిస్తారు.ముద్దపప్పు బతుకమ్మ : ముద్దపప్పు, పాలు, బెల్లంతో నైవేద్యం తయారు చేసి నివేదిస్తారు.

నానే బియ్యం బతుకమ్మ : నానేసిన బియ్యం, పాలు, బెల్లం కలిపి నైవేద్యంగా నివేదించాలి.

అట్ల బతుకమ్మ : అట్లు లేదా దోశ నైవేద్యంగా సమర్పిస్తారు.

అలిగిన బతుకమ్మ : ఈ రోజు ఆశ్వయుజ పంచమి. ఎలాంటి నైవేద్యం బతుకమ్మకు సమర్పించరు.

వేపకాయల బతుకమ్మ : బియ్యంపిండిని బాగా వేయించి వేపపండ్లుగా తయారుచేసి నైవేద్యంగా సమర్పిస్తారు.

వెన్నముద్దల బతుకమ్మ : నువ్వులు, వెన్న లేదా నెయ్యి బెల్లం కలిపి నైవేద్యంగా తయారుచేస్తారు.

సద్దుల బతుకమ్మ : చివరిగా ఆశ్వయుజ అష్టమి నాడు సద్దుల బతుకమ్మతో ముగిస్తుంది. ఈరోజు దుర్గాష్టమి జరుపుకుంటారు. చివరిరోజు బతుకమ్మకు పెరుగన్నం, చింతపండు పులిహోర, కొబ్బరన్నం, నువ్వులన్నం, నిమ్మకాయ అన్నం వంటి ఐదురకాల నైవేద్యాలు తయారు చేస్తారు.

ఇది కూడా చూడండి: Bollaram పారిశ్రామిక వాడలో పేలిన రియాక్టర్లు..10 మంది కార్మికులకు తీవ్ర గాయాలు