Cherlapalli : తెలంగాణ రాష్ట్రంలోని చర్లపల్లి జైలులో ఓ షాకింగ్ కేసు వెలుగు చూసింది. ఇక్కడ ఓ ఖైదీ ఇనుప మేకులు మింగి ఆత్మహత్య చేసుకోబోయాడు. రిమాండ్‌లో ఉన్న ఓ ఖైదీ ఏకంగా తొమ్మిది మేకులను మింగేశాడు. ఆ తర్వాత కడుపునొప్పి రావడంతో జైలు అధికారులు ఆస్పత్రికి తరలించారు. ఖైదీని పరీక్షించిన వైద్యులు అతని కడుపులో ఇనుప మేకులు చూసి అవాక్కయ్యారు. ఖైదీ కడుపులోని మేకులను తీసి వైద్యులు అతడి ప్రాణాలను కాపాడారు. మహ్మద్ షేక్ అనే 32 ఏళ్ల వ్యక్తి హైదరాబాద్ చర్లపల్లి జైలులో రిమాండ్ ఖైదీగా ఉన్నట్లు సమాచారం. నాలుగు రోజుల క్రితం హఠాత్తుగా కడుపునొప్పి మొదలైంది. దీంతో జైలు వైద్యులు అతడిని పరీక్షించి వెంటనే గాంధీ ఆస్పత్రిలోని ఖైదీల వార్డులో చేర్పించారు.
చదవండి:Health tips: రోజూ బార్లీ వాటర్ తాగితే ఏమౌతుందో తెలుసా?
ఇక్కడి వైద్యులు ఖైదీ కడుపులో ఎక్స్ రే తీసి రిపోర్టు చూసి కంగుతిన్నారు. ఖైదీ కడుపులో ఒకటి కాదు రెండు కాదు తొమ్మిది ఇనుప మేకులు కనిపించాయి వైద్యులు. ఆ తర్వాత శనివారం మళ్లీ గాంధీ ఆస్పత్రి గ్యాస్ట్రో ఎంటరాలజీ విభాగం హెచ్‌ఓడీ ప్రొఫెసర్ శ్రవణ్ కుమార్ నేతృత్వంలో వైద్య పరీక్షలు నిర్వహించారు. అనంతరం ఎండోస్కోపీ ద్వారా ఖైదీ కడుపులోంచి మేకులను విజయవంతంగా బయటకు తీశారు. దీంతో ఖైదీ కడుపులో తొమ్మిది మేకులు ఉన్నట్లు వెలుగులోకి వచ్చింది. రోగి కడుపులో రెండు, రెండున్నర అంగుళాల పొడవున్న తొమ్మిది మేకులు కనిపించాయి. కానీ ఖైదీ ఆత్మహత్య చేసుకునేందుకు ఈ మేకులను మింగినట్లు సమాచారం. అతడు మేకులు అసలు ఎందుకు మింగాడన్న దానిపై విచారణ జరుపుతున్నట్లు అధికారులు తెలిపారు.
చదవండి:Health Tips: మామిడి పండ్లు తింటే ఇన్ని లాభాలున్నాయా..?
