తెలంగాణలో (Telangana) ఆసక్తికర పరిణామం చోటుచేసుకుంది. సీఎం కేసీఆర్ కుమార్తె, ఎమ్మెల్సీ కల్వకుంట్ల కవిత (Kalvakuntla Kavitha) కేంద్రంగా బీజేపీ రాజకీయం చేస్తున్న విషయం తెలిసిందే. ఓ కుంభకోణంలో కవితను అరెస్ట్ చేయాలని బీజేపీ రాష్ట్ర అధ్యక్షుడు, ఎంపీ బండి సంజయ్ కుమార్ (Bandi Sanjay) తరచూ డిమాండ్ చేస్తున్నారు. ఈ సందర్భంగా ఆమెపై ఇష్టమొచ్చిన రీతిన విమర్శలు చేసిన సంజయ్ తొలిసారి కవితను కలుసుకున్నారు. ఓ కార్యక్రమంలో కవితను కలిసి నమస్తే పెట్టారు.. మళ్లీ కలుస్తా అని చెప్పారు. ఈ పరిణామం నిజామాబాద్ జిల్లాలో (Nizamabad District) చోటుచేసుకుంది. ఇంతకీ ఏం జరిగిందంటే..
చదవండి: KarimNagarలో శ్రీవారి ఆలయం.. వేదమంత్రోచ్ఛరణల నడుమ భూమిపూజ
నిజామాబాద్ జిల్లా బీజేపీ అధ్యక్షుడు బస్వ లక్ష్మి నర్సయ్య గృహ ప్రవేశం (House Warming Ceremony) బుధవారం నిర్వహించారు. ఈ కార్యక్రమానికి బీఆర్ఎస్ (BRS Party) ప్రతినిధులకు కూడా ఆహ్వానం అందింది. దీంతో ఎమ్మెల్సీ కవితతోపాటు ఎమ్మెల్యే బిగాల గణేశ్ గుప్తాతో (Bigala Ganesh Gupta) ఇతర ప్రజాప్రతినిధులు హాజరయ్యారు. ఇంట్లోకి వచ్చి తిరుగు ప్రయాణంలో కవితకు బండి సంజయ్ తారసపడ్డారు. కవిత నమస్కరించింది. దానికి ప్రతిగా సంజయ్ కూడా నమస్కరించి తన వెంట ఉన్న వారిని పరిచయం చేశారు.
చదవండి: భగ్గుమన్న వర్గ పోరు.. వరంగల్ లో చెప్పులతో కొట్టుకున్న నేతలు
అనంతరం కవిత కూడా ఎమ్మెల్యే గణేశ్ తోపాటు జిల్లా పరిషత్ చైర్మన్, ఇతర ప్రజాప్రతినిధులను పరిచయం (Introduce) చేసింది. ఒక నిమిషం పాటు మాట్లాడుకున్నారు. అనంతరం వారితో నవ్వుతూ కవిత సరదాగా గడిపారు. బయటకు వెళ్తుండగా.. వెళ్తా అన్న అని కవిత చెప్పగా.. ‘సరే అక్క.. మళ్లీ కలుస్తా’ అని బండి సంజయ్ అనడం ఆసక్తికరంగా మారింది. ఎప్పుడు కవితను లక్ష్యంగా చేసుకుని విమర్శలు చేసే సంజయ్ అనూహ్యంగా కవితను ఆప్యాయంగా పలుకరించడం గమనార్హం. దీనికి సంబంధించిన వీడియో వైరల్ (Viral)గా మారింది.
చదవండి: CM KCR గుడ్ న్యూస్.. విప్రహిత ప్రారంభోత్సవ వేళ బ్రాహ్మణులపై వరాల జల్లు
