ములుగు ఎమ్మెల్యే సీతక్క(MLA Sitakka)కు తెలంగాణ సచివాలయం వద్ద చేదు అనుభవం ఎదరురైంది. ఆమె ప్రయాణిస్తోన్న కారును పోలీసులు అడ్డుకున్నారు. కారు సెక్రటేరియట్‌(Secretariat)లోకి ఎంట్రీకి పర్మిషన్ లేదని ప్రధాన ద్వారం వద్ద కారు ఆపివేశారు. ఈ ఘటనతో సీతక్క తీవ్ర అసహనానికి లోనయ్యారు. ఆమె కారు దిగి నడుచుకుంటూ లోనికి వెళ్లారు. ఈ సందర్భంగా ఆమె మీడియాతో మాట్లాడుతూ..బీఆర్ఎస్ (BRS) ప్రభుత్వం నియంతృత్వంగా వ్యవహరిస్తోందన్నారు.
చదవండి : Bigg Boss 7: కెప్టెన్సీ కోసం కొట్టుకున్న కంటెస్టెంట్స్
వివిధ శాఖలకు సంబంధించిన పనులపై తాను సచివాలయానికి వచ్చానని, లోపలికి వెళ్తుంటే పోలీసులు(Police) తనను అడ్డుకున్నారన్నారు. సెక్రటేరియట్‌ నిర్మాణాన్ని ఈ ప్రభుత్వం ఎంతో గొప్పగా చూపిస్తోందని, కానీ ప్రతిపక్ష ఎమ్మెల్యేలను లోనికి ఎందుకు అనుమతించడంలేదని ఆమె ప్రశ్నించారు. ఇది చాలా అవమానమని, తాను రచ్చ చేయాలి అనుకుంటే చేయగలను.. కానీ ప్రజా సమస్యలపై ఇక్కడకు వచ్చానన్నారు.
చదవండి : Migrant Crisis: న్యూయార్క్‌లో మరో సంక్షోభం మొదలు!
సీఎం కేసీఆర్ (CMKCR) ప్రజల మధ్యకు వచ్చేది ఉండదని, పైగా వచ్చే వాళ్లను అడ్డుకుంటున్నారన్నారు. అసెంబ్లీలో తమ గొంతు నొక్కుతున్నారన్నారు. సచివాలయం కేవలం బీఆర్ఎస్ నేతలకేనా? అని నిలదీశారు. ప్రతిపక్షాలు,ప్రశ్నించే గొంతుకలు రావొద్దని సచివాలయం ముందు బోర్డ్ పెట్టండి అని చురక అంటించారు.హోంమంత్రి(Home Minister)గా ఉండి గన్‌మెన్లను కొట్టడం ఏమిటి? అని ప్రశ్నించారు. ఈ విషయమై పోలీసులకు పౌరుషం రావాలని, హోంమంత్రి వెంటనే సంబంధిత గన్‌మెన్‌కు క్షమాపణ చెప్పాలని సీతక్క డిమాండ్ చేశారు.
చదవండి : డోనాల్డ్ ట్రంప్‌కు ఉండే అతిపెద్ద భయం ఏంటో తెలుసా?
