గాజాపై ఇజ్రాయెల్ దాడులు కొనసాగుతున్నాయి. తాజాగా ఉత్తర గాజాలో జరిగిన వైమానిక దాడుల్లో 33 మంది పాలస్తీనా వాసులు మరణించారు. దాదాపు 85 మంది గాయపడ్డారు. మృతుల్లో 21 మంది మహిళలే ఉన్నట్లు అక్కడి అధికారులు తెలిపారు. శిథిలాల కింద పలువురు చిక్కుకున్నట్లు చెప్పారు. మృతుల సంఖ్య పెరిగే అవకాశం ఉందని వెల్లడించారు. కాగా, ఇప్పటివరకు ఇజ్రాయెల్ జరిపిన దాడుల కారణంగా 42,500 మందికి పైగా మరణించినట్లు గాజా పేర్కొంది.
