HYD: చెరువుల పునరుద్ధరణపై అధ్యయనానికి హైడ్రా బృందం బెంగళూరుకు స్టడీ టూర్ వెళ్లనుంది. హైడ్రా కమిషనర్ రంగనాథ్ సహా మరి కొంతమంది ఇందులో పాల్గొననున్నారు. అక్కడచెరువుల పునరుజ్జీవం ఎలా జరిగిందో స్టడీ చేస్తారు. ఈ టూర్ అనంతరం ఇక్కడకు వచ్చి బాచుపల్లిలోని ఎర్రకుంటచెరువు, మాదాపూర్ సున్నంచెరువు, కూకట్పల్లిలోని నల్లచెరువుల పునరుద్ధరణ చేపడతారు.
గద్వాల: మల్దకల్ మండలం బీజ్వరం గ్రామానికి చెందిన వడ్డెర రాజేశ్వరి అనే అమ్మాయి మృతి చెందిన విషయం తెలుసుకొని ఈ కుటుంబాన్ని పరామర్శించడానికి డాక్టర్ ఆర్ఎస్ ప్రవీణ్ కుమార్ సోమవారం రాబోతున్నారు. జిల్లాలో ఉన్నటువంటి మేధావులు ప్రజలు, యువత, మహిళా సంఘాలు, ఎలక్ట్రానిక్ మీడియా, ప్రింట్ మీడియా, రిపోర్టర్స్ ప్రతి ఒక్కరూ భారీ ఎత్తున పాల్గొనాలన్నారు.
TG: నిర్మల్ జిల్లా కుంటాల మండలంలో ఇంకా పెద్దపులి ఆచూకీ దొరకలేదు. సూర్యపూర్, మేదన్పూర్ అటవీ ప్రాంతాల్లో పెద్దపులి సంచారం చేస్తున్నట్లు గుర్తించారు. అంబుగాం, పెంగల్ పహాడ్ అటవీ ప్రాంతాల్లో పెద్దపులి సంచారం చేస్తోంది. పులి సంచారంతో జిల్లాలోని ప్రజలు భయాందోళనకు గురవుతున్నారు. అటవీ అధికారులు ట్రాప్ కెమెరాల్లో పెద్దపులి అడుగుజాడలను కనిపెడుతున్నారు.
GDWL: జిల్లాలో సోమవారం ఆ గ్రామాల్లో ఉన్న మీ సేవ కేంద్రాలను తాత్కాలికంగా బంద్ చేస్తున్నట్లు మీసేవ నిర్వాహకులు తెలిపారు. సోమవారం హైదరాబాద్‌లో మీ సేవ ఆవిర్భావ దినోత్సవం నిర్వహిస్తున్న సందర్భంగా అందరూ వేడుకల్లో పాల్గొంటున్నట్లు వెల్లడించారు. ప్రజలు సహకరించాలని కోరారు. మంగళవారం యథావిధిగా కార్యాలయాలు కొనసాగుతాయన్నారు.
BDK: గుండాల మండలంలోని మామకన్ను 33కేవీ విద్యుత్ సబ్స్టేషన్‌లో మరమ్మతుల కారణంగా సోమవారం ఉదయం 7 గంటల నుంచి మధ్యాహ్నం 1 గంట వరకు గుండాల మండల వ్యాప్తంగా విద్యుత్ సరఫరా ఉండదని విద్యుత్తు శాఖ అధికారులు తెలిపారు. గుండాల మండలానికి చెందిన విద్యుత్ వినియోగదారులు గమనించి సహకరించాలని విద్యుత్తు శాఖ అధికారులు కోరారు.
KKD: ఉప ముఖ్యమంత్రి పవన్ కళ్యాణ్ సోమవారం పర్యటన వివరాలు ఇలా వున్నాయి. ఉదయం 11 గంటలకు గొల్లప్రోలు ప్రభుత్వ పాఠశాలలో పలు అభివృద్ధి పనులు ప్రారంభిస్తారు.11:30కి పిఠాపురంలో టీటీడీ కల్యాణ మండపంలో పలు నిర్మాణాలకు శంకుస్థాపన చేస్తారు. మధ్యాహ్నం 12:30కి పి.వెంకటాపురంలో, 1:30కి కొత్తపల్లిలో పలు అభివృద్ధి పనులకు శంకుస్థాపన చేస్తారు.
BDK: భద్రాచలం ఐటీడీఏ సమావేశ మందిరంలో సోమవారం గిరిజన దర్బార్ కార్యక్రమం నిర్వహిస్తున్నట్లు ఐటీడీఏ పీవో రాహుల్ తెలిపారు. ఈ కార్యక్రమానికి ఐటీడీఏ యూనిట్ అన్నిశాఖల అధికారులు సకాలంలో హాజరుకావాలని సూచించారు. అదేవిధంగా గిరిజనులు తమ సమస్యలను లిఖితపూర్వకంగా తనకు అందజేయాలని అన్నారు. ఉదయం 10:30కి కార్యక్రమం ప్రారంభమవుతుందని పేర్కొన్నారు.
NLR: భర్త వేధింపులు తాళలేక ఓ వివాహిత ఆత్మహత్య చేసుకున్న ఘటన నెల్లూరులోని వేమారెడ్డి నగర్‌లో చోటుచేసుకుంది. రాగాల యాచేంద్ర, తేజస్వికి వీరిద్దరికి రెండేళ్ల క్రితం వివాహం అయింది. వివాహమై రెండేళ్లు కావస్తున్న సంతానం లేకపోవడంతో యాచేంద్ర ఆమెను నిత్యం వేధింపులకు గురి చేశాడు. దీంతో వేధింపులకు తట్టుకోలేక తేజస్వికి ఆత్మహత్య చేసుకుంది.
CTR: తెలంగాణ ముఖ్యమంత్రి రేవంత్ రెడ్డితో శ్రీకాళహస్తి ఎమ్మెల్యే బొజ్జల సుధీర్ రెడ్డి భేటీ అయ్యారు. శ్రీకాళహస్తిలో తెలంగాణ భవన్ ఏర్పాటుపై చర్చించారు. ఇటీవల ఎమ్మెల్యే బొజ్జల శ్రీకాళహస్తిలో పలు రాష్ట్రాల అతిథి గృహాలు ఏర్పాటు చేస్తామని చెప్పిన విషయం తెలిసిందే. ఇప్పటికే తెలంగాణ CM శ్రీకాళహస్తిలో తెలంగాణ అతిథి గృహం ఏర్పాటుకు అంగీకరించారని చెప్పారు.
CTR: కుప్పం మండలంలో నేడు జరిగే పైలట్ ప్రాజెక్టు సమీక్షకు చిత్తూరు ఎంపీ దగ్గుమల్ల ప్రసాదరావు హాజరుకానున్నట్లు ఆయన కార్యాలయం తెలిపింది. మధ్యాహ్నం ఒంటిగంటకు కుప్పం చేరుకుంటారని తెలిపారు. సమీప ప్రాంతాల తెలుగుదేశం పార్టీ నాయకులు, కార్యకర్తలు, అధికారులు హాజరై కార్యక్రమాన్ని విజయవంతం చేయాలని కోరారు.
TG: కాంగ్రెస్ అగ్రనేత రాహుల్ గాంధీ రేపు హైదరాబాద్‌కు రానున్నారు. యూపీలోని రాయ్ బరేలీ నుంచి బేగంపేటకు ఆయన విచ్చేయనున్నారు. బోయిన్‌పల్లిలోని గాంధీ ఐడియాలజీ సెంటర్‌లో రేపు కులగణన సమావేశం జరగనుంది. ఈ సమావేశానికి హాజరవడానికే రాహుల్ రాష్ట్రానికి విచ్చేస్తున్నారని కాంగ్రెస్ నేతలు వెల్లడించారు. కులగణన సమావేశంలో సీఎం రేవంత్, మంత్రులు, మేధావులు, బీసీ విద్యార్థి సహా పౌర సంఘాలు పాల్గొనే అవకా...
CTR: మొగిలి వెంకటగిరి వారిపల్లెకు చెందిన రాజా (55) R.N. నగర్ కాలనీ వద్ద రోడ్డు దాటుతుండగా అతి వేగంగా వచ్చిన గుర్తుతెలియని ఆటో ఢీ కొట్టింది. కింద పడి తీవ్ర గాయాలయ్యాయి. స్థానికులు అతడిని చిత్తూరు ప్రభుత్వ ఆసుపత్రికి తరలించారు. అప్పటికే అతను మృతి చెందినట్లు వైద్యులు నిర్ధారించారు. మార్చురీకి మృతదేహాన్ని తరలించి పోలీసులకు సమాచారం ఇచ్చారు.
KMM: అకాల వర్షానికి దెబ్బతిన్న మొక్కజొన్న ప్రభుత్వం మద్దతు ధరతో కొనుగోలు చేయాలని సిపిఐ ఎంఎల్ న్యూడెమోక్రసీ కొమరారం గ్రామ కార్యదర్శి మోతిలాల్ డిమాండ్ చేశారు. ఆదివారం ఇల్లందులో జరిగిన కార్యక్రమంలో ఆయన మాట్లాడుతూ నిన్న కురిసిన అకాల వర్షానికి దెబ్బతిన్న మొక్కజొన్నను వ్యవసాయ శాఖ అధికారులు కనీసం మద్దతు ధరతో కొనుగోలు చేయాలని డిమాండ్ చేశారు.
కోనసీమ: రాజోలు మండలం తాటిపాకలో రేపు(మంగళవారం) ఉదయం 9 నుంచి మధ్యాహ్నం 2 గంటల వరకు మెడ్ యునైటెడ్ హాస్పటల్లో ఉచిత వైద్య శిబిరం ఏర్పాటు చేయనున్నట్లు నిర్వాహకులు తెలిపారు. చర్మ వ్యాధులకు సంబంధించిన రోగులకు చర్మవ్యాధి నిపుణుడు రమీజారాజా వైద్య సేవలందిస్తారన్నారు. అవసరం అయినా వాళ్ళు ఈ సేవలు వినియోగించుకోవాలని కోరారు.
ADB: కాకతీయ యూనివర్సిటీ ఇంటర్ కాలేజీ అథ్లెటిక్ మీట్ టోర్నమెంట్లో ఉట్నూర్ ప్రభుత్వ డిగ్రీ కళాశాల విద్యార్థి కరణ్ చంద్ బంగారు పతకాన్ని సాధించారు. కళాశాల ప్రిన్సిపల్ ప్రతాప్ సింగ్ మాట్లాడుతూ.. ఇటీవల ఖమ్మంలో నిర్వహించిన క్రీడాపోటీల్లో విద్యార్థి కరణ్ చంద్ హేమర్ త్రోలో బంగారు పతకం, జావెలిన్ త్రోలో వెండి పథకం సాధించారన్నారు.
