NTR: విజయవాడలోని లంబాడీపేటలో కొత్తపేట పోలీసులు 3 కిలోల గంజాయిని ఆదివారం స్వాధీనం చేసుకున్నారు. ఈ కేసులో సముద్రాల వారి వీధికి చెందిన అజయ్, నున్న నివాసి అయిన సింహాచలం, గన్నవరానికి చెందిన ధనకోటేశ్వరరావు, రత్నభాస్కర్‌లపై కేసు నమోదు చేసి అరెస్ట్ చేశామని పోలీసులు చెప్పారు. వీరిని కోర్టులో హాజరుపరుస్తామన్నారు.
సత్యసాయి: ఆంధ్రప్రదేశ్ ఐక్య ఉపాధ్యాయ ఫెడరేషన్ 50 వసంతాలు పూర్తి చేసుకున్న సందర్భంగా శ్రీ సత్యసాయి జిల్లా UTF స్వర్ణోత్సవ మహా సభలు నిర్వహించనుంది. పెనుకొండలో మంత్రి సవిత సభల పోస్టర్లు, పత్రికను ఆవిష్కరించారు. ఈ నెల 10న కదిరి జిల్లా పరిషత్ బాలికొన్నత పాఠశాలలో జరగనున్న మహాసభలను జయప్రదం చేయాలని అధ్యక్షుడు శెట్టిపి జయ చంద్రా రెడ్డి తెలిపారు.
KMM: అక్రమంగా నిల్వ ఉంచిన 7 క్వింటాళ్ల రేషన్ బియ్యాన్ని తల్లాడ మండల రెవెన్యూ అధికారులు ఆదివారం రాత్రి స్వాధీనం చేసుకున్నారు. మండల పరిధిలోని మల్లవరానికి చెందిన రేగళ్ల శ్రీను అనే వ్యక్తి రేషన్ బియ్యాన్ని కొనుగోలు చేసి ఓ ఇంట్లో నిల్వ ఉంచారు. సమాచారం రావడంతో అధికారులు దాడి చేసి బియ్యాన్ని స్వాధీనం చేసుకున్నారు. శ్రీను పై కేసు నమోదు చేసినట్లు చెప్పారు.
HYD: మున్నూరుకాపు కార్పొరేషన్కు కమిటీలను నియమించి రూ.3 వేల కోట్లు నిధులను మంజూరు చేయాలని మున్నూరుకాపు సంఘం తెలంగాణ రాష్ట్ర అధ్యక్షడు డా. కొండ దేవయ్య పటేల్, రాష్ట్ర ఉపాధ్యక్షుడు జేవీఆర్ ఆదివారం మంత్రి కొండ సురేఖను మర్యాద పూర్వకంగా కలసి విజ్ఞప్తి చేశారు. ప్రతి జిల్లా కేంద్రంలో 2 ఎకరాల భూమి బాల బాలికల హాస్టల్ భవన నిర్మాణానికి కేటాయించాలని కోరారు.
HYD: కింగ్ కోఠి పరిధిలోని హౌస్ నంబర్ 3–5–784/3లో అక్రమంగా గిడ్డంగి ఏర్పాటు చేశారని, ఇందులో ప్లాస్టిక్ మెటీరియల్, కర్టెన్లు ఉన్నట్లుగా జీహెచ్ఎంసీ అధికారుల దృష్టికి స్థానికులు తీసుకెళ్లారు. గిడ్డంగిలో ఉన్న సామాగ్రికి త్వరగా మంటలు అంటుకునే అవకాశం ఉన్నదని, వీటిపై చర్యలు తీసుకోవాలని కోరారు. దీనిపై స్పందించిన యంత్రాంగం యాజమానికి నోటీసు జారీ చేసింది.
SRCL : పెండింగ్ బిల్లులను చెల్లించాలని కోరుతూ తాజా మాజీ సర్పంచుల జేఏసీ ఇచ్చిన చలో హైదరాబాద్ పిలుపుమేరకు, రాజన్న సిరిసిల్ల జిల్లా ఎల్లారెడ్డిపేట మండలం లోని తాజా మాజీ సర్పంచ్లను ఈరోజు ఉదయం ముందస్తుగా పోలీసులు అరెస్టు చేశారు. వారు మాట్లాడుతూ రాష్ట్ర ప్రభుత్వం పెండింగ్ బిల్లులను విడుదల చేయాలని ఉద్యమిస్తున్న తమను అరెస్టు చేయడం దారుణమని అన్నారు.
సత్యసాయి: హిందూపురంలో పనిచేస్తున్న కానిస్టేబుళ్లు నరేశ్, వెంకటరామిరెడ్డిని సస్పెండ్ చేస్తూ ఎస్పీ రత్న సోమవారం ఉత్తర్వులు జారీ చేశారు. చిలమత్తూరు మండలంలో జరిగిన సామూహిక అత్యాచారం కేసులో నేరస్థులకు సహకరించారని విచారణలో వెల్లడవడంతో వీరిని సస్పెండ్ చేస్తూ ఆదేశాలు జారీ చేశారు.
GNTR: జిల్లాలో రుణం తిరిగి చెల్లించే విషయంలో కొందరు వ్యక్తులు కత్తులు, రాళ్లతో బీభత్సం సృష్టించిన విషయం ఆలస్యంగా వెలుగులోకి వచ్చింది. స్థానికుల వివరాల మేరకు..రామకృష్ణారెడ్డి అనే వ్యక్తి తాను ఇచ్చిన డబ్బులు ఎందుకు ఇవ్వలేదని సుబ్రహ్మణ్యేశ్వరరావును నిలదీశాడు. ఇద్దరి మధ్య వాగ్వాదం పెరిగి తమ అనుచరులను పిలుచుకొని ఒకరినొకరు కార్లతో గుద్దుకొని భయభ్రాంతులకు చేశాడు.
NZB: సోమవారం ఉమ్మడి జిల్లాలోని మీ సేవ కేంద్రాలు స్వచ్ఛందంగా బంద్ చేపట్టినట్లు జిల్లా మీ సేవ అసోసియేషన్ అధ్యక్షుడు శ్రీనివాస్ తెలిపారు. మీ సేవలు ప్రారంభించి 13 సంవత్సరాలు పూర్తి చేసుకున్న సందర్భంగా హైదరాబాద్‌లో సోమవారం ఆర్టీసీ కళా భవన్లో14వ వార్షికోత్సవ వేడుకలు జరగనున్నాయి. జిల్లాలోని మీ సేవ నిర్వహకులందరూ కార్యక్రమానికి హాజరవుతున్నారు.
KMM: గంజాయిని తరలిస్తున్న ఓ కారును సుజాతనగర్ పోలీసులు తనిఖీల్లో ఆదివారం పట్టుకున్నారు. ఎస్సై జుబేదాబేగం తెలిపిన వివరాల ప్రకారం.. నాయకులగూడెం వద్ద పోలీసులు వాహన తనీఖీలు నిర్వహిస్తుండగా 84 కిలోల గంజాయితో వెళ్తున్న ఓ కారు పట్టుబడింది. అందులో ప్రయాణిస్తున్న ఇద్దరు వ్యక్తులను అదుపులోకి తీసుకుని పోలీస్ స్టేషన్‌కు తరలించారు.
ASR: ఏఎన్ఎంల సమస్యలను పరిష్కరించాలని వైద్య ఆరోగ్య శాఖ ఉద్యోగుల సంఘం జిల్లా కన్వీనర్ శెట్టి నాగరాజు డిమాండ్ చేశారు. ఆదివారం పాడేరులోని గిరిజన భవన్లో పాడేరు డివిజన్ పరిధిలోని 11 మండలాల ఏఎన్ఎంలతో ఆయన సమావేశం నిర్వహించారు. ఏఎన్ఎంల సమస్యలను పరిష్కరించాలని కోరుతూ ఈనెల 15వ తేదీన తలపెట్టిన ఐటీడీఏ ఎదుట ఆందోళన కార్యక్రమాన్ని జయప్రదం చేయాలని పిలుపునిచ్చారు.
NTR: 11 సీట్లు వచ్చినా వైసీపీ కార్యకర్తల నోర్లు లేస్తున్నాయన్న Dy. CM పవన్ వ్యాఖ్యలకు మాజీ మంత్రి పేర్ని నాని కౌంటరిచ్చారు. ఆదివారం ఆయన విజయవాడలో మాట్లాడుతూ.. అధికారం ఉన్నా లేకపోయినా వైసీపీ కార్యకర్తలు ఎప్పుడూ ఒకేలా ఉంటారన్నారు. పవన్‌ను నమ్ముకున్న కార్యకర్తలు మాత్రం అన్యాయమవుతున్నారని అన్నారు.
KMM: కాంగ్రెస్ ప్రభుత్వ హామీల అమలుపై భవిష్యత్ పోరాటాలకు సన్నద్ధం కావాలని బీర్ఎస్ జిల్లా అధ్యక్షుడు మాజీ ఎమ్మెల్యే రేగా కాంతారావు పిలుపునిచ్చారు. భద్రాచలం, చర్లలో ఆదివారం నిర్వహించిన కార్యకర్తల సమావేశంలో పాల్గొని మాట్లాడారు. ఎన్నికల హామీలను అమలు చేయడంలో కాంగ్రెస్ విఫలమైందని ఆక్షేపించారు. కాంగ్రెస్ నేత పేల్చుతామన్న బాంబులు ఎటు పోయాయని ప్రశ్నించారు.
KMM: రాష్ట్ర ప్రభుత్వం డైట్,కాస్మోటిక్ ఛార్జీల పెంపు పట్ల ఆదివారం భద్రాచలం గిరిజన గురుకుల కళాశాల ప్రిన్సిపాల్ ద్మావతి, విద్యార్థినులు హర్షం వ్యక్తం చేశారు. రాష్ట్ర ప్రభుత్వం తీసుకున్న ఈనిర్ణయం పేద విద్యార్థులకు ఎంతగానో ఉపకరిస్తుందని ప్రిన్సిపాల్ అన్నారు. ఇలాంటి అవకాశాలను బాలబాలికలు సద్వినియోగం చేసుకొని ఉన్నత చదువులు చదువుకోవాలని ప్రిన్సిపాల్ ఆకాంక్షించారు.
KRNL: జిల్లా ఇన్‌ఛార్జ్ మంత్రి నిమ్మల రామానాయుడు నేటి పర్యటన వివరాలు ఇలా ఉన్నాయి. ఉదయం 9 గంటలకు కర్నూలు ఉల్లి మార్కెట్ పరిశీలన, 10:45 గంటలకు టీడీపీ కార్యాలయంలో ఎన్టీఆర్ విగ్రహానికి నివాళులు, 11 గంటలకు హోటల్ మౌర్యలోని ఆర్య ఫంక్షన్ హాల్లో ఎన్డీయే కూటమి నేతలతో సమావేశం, సాయంత్రం 3 గంటలకు జిల్లా నాయకులు, ఉన్నతాధికారులతో డీడీఆర్సీ సమావేశంలో పాల్గొంటారు.
