SKLM: రెవెన్యూ సదస్సులతో భూ సమస్యలకు పరిష్కారం దొరుకుతుందని ఎమ్మెల్యే శంకర్ అన్నారు. శ్రీకాకుళం రూరల్ రాగోలు పంచాయతీలో రెవెన్యూ సదస్సులో గురువారం ఎమ్మెల్యే ముఖ్యఅతిథిగా పాల్గొన్నారు. ఈ సందర్భంగా మాట్లాడుతూ.. గతంలో రీ- సర్వే జరిగిన గ్రామాల్లో తప్పుగా నమోదైన వాటిని సరిచేయడానికే ప్రభుత్వం రెవిన్యూ సదస్సులు నిర్వహిస్తుందన్నారు.
NDL: నంద్యాల డీఈఓగా జనార్దన్ రెడ్డిని నియమిస్తూ ప్రభుత్వం ఉత్తర్వులు జారీ చేసింది. ఈయన కర్నూలు డైట్ కళాశాలలో సీనియర్ లెక్చరర్‌గా పనిచేస్తూ పదోన్నతిపై వచ్చారు. ఇక్కడ డీఈఓగా పనిచేస్తున్న సుధాకర్ రెడ్డిని మరో చోటుకు బదిలీ అయ్యారు. జనార్దన్ రెడ్డి శుక్రవారం బాధ్యతలు స్వీకరిస్తారని కార్యాలయ సిబ్బంది తెలిపారు.
CTR: గ్రామపంచాయతీల అభివృద్దే రాష్ట్ర ప్రభుత్వ ధ్యేయమని గూడూరు ఎమ్మెల్యే పి సునీల్ కుమార్ అన్నారు. గురువారం వాకాడు టెంకాయ తోపు నందు జరిగిన కార్యక్రమంలో ఆయన పాల్గొన్నారు. ఈ సందర్భంగా ఆయన మాట్లాడుతూ.. పల్లె పండగ కార్యక్రమంలో వాకాడు గ్రామం టెంకాయి తోపు నందు 10 లక్షల రూపాయలతో CC రోడ్ నిర్మాణంకు శంఖు స్థాపన చేశారు.
కృష్ణా: ముసునూరు మండలం వలసపల్లిలో తమ్మిలేరు వాగుపై ఇసుక రీచ్‌ను మంత్రి కొలుసు పార్థసారథి గురువారం ప్రారంభించారు. ఈ సందర్భంగా ఆయన మాట్లాడుతూ.. ప్రభుత్వం గ్రామాలలో ట్రాక్టర్ల ద్వారా ఇసుకను ఉచితంగా తీసుకెళ్లేందుకు అనుమతినిచ్చిందన్నారు. ఈ అవకాశాన్ని దుర్వినియోగం చేయకుండా చక్కగా సద్వినియోగం చేసుకోవాలని కోరారు.
మహారాష్ట్ర అసెంబ్లీ ఎన్నికల తరుణంలో NCP(అజిత్ పవార్) వర్గానికి సుప్రీం కోర్టులో ఊరట లభించింది. గడియారం గుర్తు వినియోగంపై శరద్ పవార్ ఇటీవల సుప్రీంకోర్టును ఆశ్రయించారు. ఆ గుర్తువల్ల ఓటర్లు గందరగోళానికి గురై తాము ఓట్లు కోల్పోవాల్సి ఉంటుందని పేర్కొన్నారు. దీనిపై సుప్రీం కోర్టు.. గడియారం గుర్తును అజిత్ పవార్ వర్గం ఉపయోగించుకోవచ్చని ఆదేశించింది. అయితే, కోర్టు ఉత్తర్వులు ఉల్లంఘించబోమని పత్రాన్ని సమర్ప...
ELR: “పల్లె పండుగ” కార్యక్రమంలో భాగంగా శుక్రవారం మధ్యాహ్నం 12గంటలకి నిడమర్రు మండలం పత్తేపురం గ్రామంలో జరుగుతుందని ఎమ్మెల్యే క్యాంపు కార్యాలయం వాళ్ళు తెలిపారు. ఆ మేరకు వాళ్ళు గురువారం ఓ ప్రకటన విడుదల చేశారు. ఉంగుటూరు MLA పత్సమట్ల ధర్మరాజు, ఏలూరు ఎంపీ పుట్టా మహేష్ కుమార్ పాల్గొంటారన్నారు.
VZM: జిల్లా విద్యా శాఖ అధికారిగా సేవలందిస్తున్న ఎన్‌.ప్రేమ్ కుమార్‌ను విశాఖపట్నం జిల్లా విద్యాశాఖ అదికారిగా బదిలీ చేస్తూ గురువారం రాష్ట్ర ప్రభుత్వం ఉత్తర్వులు జారీ చేసింది. ఈ నేపథ్యంలో విజయనగరం జిల్లాకు నూతన విద్యా శాఖ అధికారిగా విశాఖపట్నంలో డైట్ లెక్పరర్‌గా పని చేస్తున్న యు.మాణిక్యాల నాయుడును నియమిసూ తాజాగా ఆదేశాలు జారీ చేశారు.
SRPT: తుంగతుర్తి మండలం నూతన ఎస్సైగా బాధ్యతలు స్వీకరించిన రుద్ర క్రాంతి కుమార్‌ను బీఆర్ఎస్ పార్టీ నాయకులు గురువారం మర్యాదపూర్వకంగా కలిసి శాలువాతో సన్మానించి పుష్పగుచ్చం అందించి శుభాకాంక్షలు తెలిపారు. ఈ కార్యక్రమంలో బీఆర్ఎస్ మండల అధ్యక్షులు తాటికొండ సీతయ్య, మాజీ సర్పంచులు లాకావత్ యాకునాయక్, గుగులోతు వెంకన్న, నాయకులు పులాని, నాగమల్లు పాల్గొన్నారు.
WGL: రైతులు దళారులను అమ్మి మోసపోకూడదని వర్ధన్నపేట ఎమ్మెల్యే కేఆర్ నాగరాజు అన్నారు. వర్ధన్నపేట పట్టణ కేంద్రం, ఇల్లంద వ్యవసాయ మార్కెట్లో ధాన్యం కొనుగోలు కేంద్రాలను ఎమ్మెల్యే ప్రారంభించారు. కొనుగోలు కేంద్రాలలో రైతులకు ఎలాంటి ఇబ్బందులు కలగకుండా తగిన జాగ్రత్తలు తీసుకోవాలని, ధాన్యం అమ్మిన రైతులకు రెండు, మూడు రోజులలో డబ్బులు జమ చేసేలా చూడాలని కోరారు.
AP: పల్నాడు కరువు కష్టాలు తీరడానికి వరికపూడిశెల పూర్తి కీలకమని ఎంపీ లావు శ్రీకృష్ణదేవరాయలు అన్నారు. గోదావరి జలాలు సాగర్ కుడి కాలువలో కలపడమే కరవుకు పరిష్కారం అని తెలిపారు. సీఎం, ప్రధాని భేటీలోనూ నదుల అనుసంధానంపై చర్చలు జరిగాయన్నారు. నదుల అనుసంధానానికి నిధులపై కేంద్రం సానుకూలంగా ఉందని చెప్పారు. పల్నాడును సస్యశ్యామలం చేసేందుకు కూటమి ప్రభుత్వం కృషి చేస్తోందని వెల్లడించారు.
NGKL: కుష్టు వ్యాధిని పూర్తిగా నివారించేందుకు ప్రతిఒక్కరు సహకరించాలని నాగర్ కర్నూల్ జిల్లా డిప్యూటీ వైద్యాధికారి వెంకట దాస్ అన్నారు. గురువారం కలెక్టరేట్‌లోని మినీహాల్లో నిర్వహించిన ప్రత్యేక శిక్షణ శిబిరంలో ఆయన మాట్లాడారు. వ్యాధి లక్షణాలు కనిపిస్తే వైద్య సిబ్బందిని సంప్రదించాలన్నారు. వ్యాధిని తొలి దశలోనే గుర్తిస్తే మందుల ద్వారా 6నెలలలో తగ్గుతుందన్నారు.
VSP: రాష్ట్రంలో కూటమి ప్రభుత్వం ఏర్పడిన తర్వాత కేంద్రం నుంచి స్టీల్ ప్లాంట్ పై సానుకూల పరిణామాలు చోటు చేసుకున్నాయని విశాఖ ఎంపీ శ్రీభరత్ పేర్కొన్నారు. విశాఖలో జరిగిన జెడ్పీ సమావేశంలో ఆయన మాట్లాడుతూ.. స్టీల్ ప్లాంట్‌కు మొత్తం రూ.1700 కోట్లను కేంద్రం విడుదల చేసినట్లు తెలిపారు.
NLG: సీఎం రేవంత్ రెడ్డిని విమర్శించే స్థాయి గాదరి కిశోర్ కుమార్ కు లేదని ఎమ్మెల్యే మందుల సామేలు అన్నారు. గురువారం హైదరాబాద్‌లో ఆయన మాట్లాడుతూ.. సీఎం రేవంత్ రెడ్డి పైన మరోసారి ఇష్టానుసారంగా మాట్లాడితే నాలుక కోస్తామని, గాదరి కిశోర్ కథలన్నీ బయటకు తీస్తే జైలుకు పోవడం ఖాయమని, గాదరి కిశోర్‌కు ఇచ్చిన డాక్టరేట్ పైన విచారణ జరిపించాలని డిమాండ్ చేశారు.
కృష్ణా: మైలవరం పరిధిలో గంజాయి అక్రమంగా అమ్మకం చేస్తున్న వ్యక్తులను పోలీసులు అదుపులోకి తీసుకున్నారు. ఏసీబీ ప్రసాద్ మాట్లాడుతూ.. కేజీ గంజాయిని ఐదుగురు విక్రేతలను, ఎనిమిది ద్విచక్ర వాహనాలు స్వాధీనం చేసుకున్నట్లు తెలిపారు. ద్విచక్ర వాహనాలు చోరీ చేసి అక్రమంగా గంజాయి రవాణా ఉపయోగిస్తున్నట్లు గుర్తించినట్లు తెలిపారు.
మహారాష్ట్రలో రాజకీయాలు వేడెక్కుతున్నాయి. బారామతి నియోజకవర్గం నుంచి అజిత్ పవార్ పోటీకి సిద్ధమవ్వగా.. ప్రత్యర్థిగా శరద్ పవార్ వర్గం నుంచి యుగేంద్ర పవార్ బరిలో దిగనున్నట్లు వార్తలు వినిపిస్తున్నాయి. ఇటీవల లోక్‌సభ ఎన్నికల్లోనూ బారామతిలో అజిత్ భార్య సునేత్రపై శరద్ పవార్ కుమార్తె సుప్రియా గెలిచారు. కాగా మరోసారి ప‘వార్‌’కు బారామతి అ...
