Fake Love : పెళ్లికి ఒత్తిడి చేయడంతో ప్రేమోన్మాది తన సోదరి సాయంతో ప్రియురాలిని హత్య చేసిన షాకింగ్ ఘటన ఢిల్లీ(Delhi)లో వెలుగు చూసింది. హత్య చేసిన తర్వాత మృతదేహాన్ని 12 కి.మీ. దూరంలో పారేశారు. నిందితుల్లో ఒకరిని పోలీసులు(police) అదుపులోకి తీసుకున్నారు. ప్రధాన నిందితుడు, అతని స్నేహితుడు పరారయ్యాడు. పోలీసులు వారి కోసం గాలిస్తున్నారు. వినీత్, రోహినా నాజ్‌ ఆరేళ్లుగా లివ్‌ ఇన్‌ రిలేషన్‌షిప్‌(live in relationship)లో ఉన్నారు. పెళ్లి చేసుకోవాలని రోహినా వినీపై ఒత్తిడి తెచ్చింది. అయితే రోహినా, వినీత్‌లు వేర్వేరు కులాలకు చెందిన వారు కావడంతో వినీత్ కుటుంబసభ్యులు వీరి పెళ్లిని వ్యతిరేకించారు.. దీంతో వినీత్ రోహినాను పెళ్లి(Marriage) చేసుకోవడానికి సిద్ధంగా లేడు. కానీ, రోహినా ఒత్తిడికి విసిగిపోయిన వినీత్ తన సోదరి పరుల్తో కుమ్మక్కై ఆమె అడ్డు తొలగించాలని నిర్ణయించుకున్నారు. అందుకు తగ్గట్టుగానే ఏప్రిల్ 12న రోహినాను హతమార్చాడు.
చదవండి :Viral : పింఛన్ కోసం ముసలమ్మ పాట్లు.. జాలిపడుతున్న నెటిజన్లు
హత్య చేసిన తర్వాత మృతదేహాన్ని 12 కిలోమీటర్ల దూరం తీసుకెళ్లి విసిరేశారు. బుధవారం రాత్రి కార్వాల్ నగర్ పోలీసులకు ఓ మహిళ మృతదేహంపై సమాచారం అందింది. పోలీసులు వెంటనే ఘటనా స్థలానికి చేరుకున్నారు. వారు మృతదేహాన్ని స్వాధీనం చేసుకుని శవపరీక్ష నిమిత్తం ఆస్పత్రికి తరలించారు. శవపరీక్ష రిపోర్టులో హత్యగా తేలింది. దీంతో కార్వాల్ నగర్(karwal nagar) పోలీసులు హత్యపై ఎఫ్‌ఐఆర్ నమోదు చేసి దర్యాప్తు ప్రారంభించారు. హత్య కేసును విచారించేందుకు ఢిల్లీ పోలీసులు ఐదు బృందాలను ఏర్పాటు చేశారు. ఘటనాస్థలికి సంబంధించిన అన్ని సీసీటీవీ ఫుటేజీలను పరిశీలించారు. ఓ సీసీటీవీ(CCTV)లో ఇద్దరు యువకులు బైక్‌పై నుంచి మహిళ మృతదేహాన్ని తీసుకెళ్లి రోడ్డు(Road)పై పడవేస్తున్న దృశ్యాలు కనిపించాయి. అలాగే మరో సీసీటీవీలో ఓ యువకుడు మృత దేహాన్ని భుజాలపై మోస్తూ అతడి వెనుక ఓ యువతి నడుచుకుంటూ వస్తున్నారు. పోలీసులు ఇద్దరిని విచారించగా వారిద్దరినీ గుర్తించారు.
చదవండి :Viral Video : బాత్ రూమ్ వీడియో షేర్ చేసిన హీరోయిన్!
పోలీసులు వినీత్, పారుల్ ఇంటికి చేరుకోగా.. వారు ఇంటి నుంచి వెళ్లిపోయినట్లు పోలీసులకు తెలిసింది. పారుల్ వేరే ఇంటికి మారిందని, దొంగిలించిన వాహనంలో వస్తువులను తీసుకెళ్లినట్లు పోలీసులకు సమాచారం అందింది. దీని తర్వాత, ఈ గుర్రపు బండి కోసం పోలీసులు వెతకగా, పరుల్ పోలీసులకు చిక్కింది. ఈ హత్యలో తన ప్రమేయం ఉన్నట్లు పరుల్ ఒప్పుకుంది. అయితే వినీత్‌తో పాటు అతనికి సహకరించిన అతని స్నేహితుడు పరారీలో ఉన్నారు. పోలీసులు కూడా వారి కోసం తీవ్రంగా గాలిస్తున్నారు. నిందితుడైన వినీత్ ఇప్పటికే ఓ హత్య కేసులో జీవిత ఖైదు(life imprisonment) అనుభవిస్తున్నాడు. ఆరు నెలల క్రితం బెయిల్(bail)పై బయటకు వచ్చాడు. ఆ తర్వాత ప్రియురాలిని హత్య చేశాడు.
