Punjab High Court: కుక్కకాటు ఘటనల పెరుగుదలపై పంజాబ్, హర్యానా హైకోర్టు కీలక నిర్ణయం తీసుకుంది. వీధుల్లో వీధికుక్కల బెడద బాగా పెరిగిపోయిందని కోర్టు పేర్కొంది. ఇలాంటి పరిస్థితుల్లో ఈ కుక్కలు ఎవరైనా కరిచినట్లయితే ఇరు రాష్ట్ర ప్రభుత్వాలు నష్టపరిహారం చెల్లించాల్సి ఉంటుంది. బాధితురాలికి పంటి గుర్తుకు రూ.10,000 చొప్పున పరిహారం చెల్లించాలని కోర్టు ఆదేశించింది. దీంతో పాటు రాష్ట్ర ప్రభుత్వాలు ఇందుకు సంబంధించిన మార్గదర్శకాలను రూపొందించాలని కోర్టు ఆదేశించింది.
చదవండి:Viral Video: ఒరేయ్ ఎవర్రా మీరంతా.. పట్టపగలు కండువా కట్టుకుని రోడ్డుపై డ్యాన్స్ ఏంట్రా బాబు
చండీగఢ్‌లో పెరుగుతున్న కుక్కకాటు ఘటనలపై జస్టిస్ వినోద్ ఎస్ భరద్వాజ్ ధర్మాసనం ఆందోళన వ్యక్తం చేసింది. 193 పిటిషన్లను పరిష్కరిస్తూ ఎస్ భరద్వాజ్ ధర్మాసనం ఈ నిర్ణయం తీసుకుంది. కుక్కకాటు కారణంగా పంటి గుర్తులు ఏర్పడితే, బాధితుడికి పంటి గుర్తుకు రూ.10,000 పరిహారం ఇవ్వాలని ధర్మాసనం పేర్కొంది. అంతే కాకుండా కుక్కకాటుకు గురై చర్మంపై గాయం లేదా మాంసం తొలగిపోయినట్లయితే, ప్రతి 0.2 సెంటీమీటర్ల గాయానికి కనీసం రూ.20,000 పరిహారం ఇవ్వాలి.
చదవండి:Diwali Special: మెగా ఇంట్లో సినీతారల సిత్రాలు
నష్టపరిహారం చెల్లించాల్సిన బాధ్యత రెండు రాష్ట్ర ప్రభుత్వాలదేనని హైకోర్టు పేర్కొంది. కుక్కతో సంబంధం ఉన్న వ్యక్తి లేదా ఏజెన్సీ నుండి రాష్ట్ర ప్రభుత్వం పరిహారం మొత్తాన్ని తిరిగి పొందవచ్చని జస్టిస్ వినోద్ ఎస్ భరద్వాజ్ ధర్మాసనం పేర్కొంది. కుక్కకాటు ఘటనలు నానాటికీ పెరుగుతున్నాయని కోర్టు పేర్కొంది. చాలా మంది చనిపోయారు. దీన్ని నియంత్రించకపోతే కేసులు మరింత పెరుగుతాయి. కాబట్టి ఇప్పుడు రాష్ట్ర ప్రభుత్వమే దీనికి బాధ్యత వహించాలి. ఇందుకు సంబంధించిన మార్గదర్శకాలను రూపొందించాలని కూడా కోర్టు ప్రభుత్వాన్ని ఆదేశించింది.
