Chandigarh: చండీగఢ్‌లోని గాలి ప్రతి సంవత్సరం దీపావళి నాడు అధిక మోతాదులో కలుషితమవుతుంది. ఈ నేపథ్యంలో చండీగఢ్‌ అధికార యంత్రాంగం ఉత్తర్వులు జారీ చేసింది. ఈ ఉత్తర్వు ప్రకారం ఇప్పుడు దీపావళి రోజున కేవలం 2 గంటల పాటు మాత్రమే పటాకులు కాల్చేందుకు అనుమతిస్తారు. ప్రజలు రాత్రి 8 గంటల నుంచి 10 గంటల వరకు మాత్రమే పటాకులు కాల్చేందుకు అవకాశం ఉంటుంది. గ్రీన్ క్రాకర్స్ మాత్రమే కాల్చేందుకు అనుమతిస్తామని చెబుతున్నారు. ఎవరైనా ఈ ఉత్తర్వులను ఉల్లంఘిస్తే కఠిన చర్యలు తీసుకుంటామని అధికారులు తెలిపారు.
గురుపూర్వ నాడు కూడా క్రాకర్లు కేవలం రెండు గంటలు మాత్రమే వెలిగిస్తారు. ఉత్తర్వుల ప్రకారం ఉదయం 4 గంటల నుంచి 5 గంటల వరకు, రాత్రి 8 గంటల నుంచి 9 గంటల వరకు మాత్రమే పటాకులు పేల్చవచ్చు. సైలెంట్ జోన్‌లో ఉన్న ప్రాంతాల నుంచి 100 మీటర్ల దూరంలో మాత్రమే బాణాసంచా పేల్చేందుకు అనుమతిస్తారు. పర్యావరణ పరిరక్షణను దృష్టిలో ఉంచుకుని పరిపాలన ఈ ఉత్తర్వులు ఇచ్చిందని చెబుతున్నారు.
చదవండి:Diabetes: ఈ పప్పు రెగ్యులర్ గా తింటే షుగర్ మీ దరిదాపుల్లోకి కూడా రాదు
దేశ రాజధాని ఢిల్లీలో కూడా పటాకులు కాల్చడం, అమ్మడం నిషేధించారు. చలికాలంలో పెరుగుతున్న కాలుష్యం కారణంగానే ఈ నిర్ణయం తీసుకున్నట్లు కేజ్రీవాల్ ప్రభుత్వం ప్రకటించింది. ఈ ఏడాది కూడా ఢిల్లీలో అన్ని రకాల పటాకుల అమ్మకాలు, నిల్వలపై పూర్తి నిషేధం విధిస్తున్నట్లు ఢిల్లీ పర్యావరణ శాఖ మంత్రి గోపాల్ రాయ్ తెలిపారు.
గ్రీన్ క్రాకర్స్ అంటే ఏమిటి?
గ్రీన్ క్రాకర్స్‌ని కాల్చడం వల్ల సంప్రదాయ బాణసంచా కంటే 30 శాతం తక్కువ వాయు కాలుష్యం ఏర్పడుతుంది. గ్రీన్ క్రాకర్లలో బేరియం నైట్రేట్ వంటి ప్రమాదకరమైన రసాయనాలు ఉండవు. అయితే, గ్రీన్ క్రాకర్లను లైసెన్స్ ఉన్న విక్రేతల నుండి మాత్రమే కొనుగోలు చేయాలని నిపుణులు సిఫార్సు చేస్తున్నారు. అదే సమయంలో, పటాకులు కాల్చే ముందు చాలా జాగ్రత్తగా ఉండాలి. చిన్న పిల్లలు క్రాకర్స్ కాల్చినప్పుడు, వారితో తల్లిదండ్రులు తప్పనిసరిగా ఉండాలి. రద్దీగా ఉండే ప్రదేశాల్లో పటాకులు కాల్చకండి.
చదవండి:MS Dhoni: రిలయన్స్ రిటైల్ జియోమార్ట్ బ్రాండ్ అంబాసిడర్‌గా ధోని
