Odisha Train Crash: ఒడిశా(Odisha )లోని బాలాసోర్ రైలు ప్రమాదం(Balasore Train Accident ) బహుశా చరిత్ర(history)లో అతిపెద్ద సంఘటనలలో ఒకటి. ఈ ప్రమాదంలో 278 మందికి పైగా ప్రాణాలు కోల్పోగా, వేలాది మంది గాయపడ్డారు. శుక్రవారం జరిగిన ఘోర ప్రమాదం జరిగిన ఒక రోజు తర్వాత, శనివారం 7 మృతదేహాల కుప్ప కింద నుండి 10 ఏళ్ల చిన్నారిని అతని అన్నయ్య రక్షించాడు. అయితే ఈ రెస్క్యూ ఆపరేషన్‌కు స్థానికులు కూడా సహకరించారు. చిన్నారి ముఖం, తలపై చాలా గాయాలు ఉన్నాయి. దీంతో చికిత్స నిమిత్తం అతడిని కటక్‌(cutteck)లోని SCB మెడికల్ కాలేజీ ఆసుపత్రి(Hospital)లో చేర్పించారు. ప్రస్తుతం అక్కడ అతను చికిత్స పొందుతున్నాడు. ఈ 10 ఏళ్ల చిన్నారి పేరు దేవాశిష్ పాత్ర. తను ఐదో తరగతి చదువుతున్నాడు. కోరమాండల్ ఎక్స్‌ప్రెస్‌లో కుటుంబంతో కలిసి భద్రక్‌కు వెళ్తున్నాడు.
చదవండి:Odisha Train Accident: 230 కిలోమీటర్లు ప్రయాణం చేసి కొడుకును కాపాడుకున్న తండ్రి
దేవాశిష్ మీడియాతో మాట్లాడుతూ.. ‘మా నాన్న భద్రక్‌కి వెళ్లే కోరమాండల్ ఎక్స్‌ప్రెస్‌లో నా కోసం టికెట్ బుక్ చేశారు. నన్ను రిసీవ్ చేసుకోవడానికి మా మామ, అత్త అక్కడ ఉన్నారు. అక్కడి నుంచి పూరీ వెళ్లాలని అనుకున్నాం. నాన్న, అమ్మ, అన్నయ్య నాతో కలిసి ట్రిప్ ప్లాన్ చేసుకున్నారు. నేను రైలులో మా అమ్మ పక్కన కూర్చున్నాను. బాలాసోర్ నుంచి రైలు బయలుదేరిన కొద్ది నిమిషాలకే ఒక్కసారిగా కుదుపులతో కూడిన పెద్ద శబ్దాలు వచ్చాయి. నేను స్పృహ కోల్పోయాను. నేను కళ్ళు తెరిచి చూసేసరికి, మృతదేహాల కుప్ప కింద ఉన్నాను.’
చదవండి:Odisha Train Accident: మృతదేహాల అప్పగింతలో గందరగోళం.. ఒడిశా ప్రభుత్వం సంచలన నిర్ణయం
దేవాశిష్ అన్నయ్య సుభాశిష్ అతని కోసం వెతికి, ఏడు మృతదేహాల కింద ఉన్న తన తమ్ముడిని బయటకు తీశాడు. వెంటనే అతన్ని కటక్‌లోని ఆసుపత్రికి తరలించారు. అక్కడ అతను చికిత్స పొందుతున్నాడు. దేవాశిష్ అన్నయ్యకి పెద్ద వయసు లేదు. 10వ తరగతి చదువుతున్నాడు. ఎంతో ధైర్యంతో తమ్ముడి ప్రాణాలను కాపాడాడు. అసలే మూడు రైళ్లు ఒకదానికొకటి ఢీకొనడంతో ఈ ఘోర ప్రమాదం జరిగింది. ఈ ప్రమాదంపై సీబీఐ విచారణ జరగనుంది.
